وتباسىنىڭ سيفرلىق كارتاسى قانداي باعىتتا دامىتىلادى

استانا. KAZINFORM - وتباسىنىڭ سيفرلىق كارتاسى ىسكە قوسىلعان ساتتەن بەرى تۋرا 2 -جىل ۋاقىت ءوتتى. كارتا ەنگىزىلگەن كەزەڭنەن بەرگى العاشى ناتيجە قانداي؟ بۇگىندە جوبانىڭ يگىلىگىن قانشا ادام كورىپ وتىر؟ الداعى ۋاقىتتا كارتاعا تاعى قانداي الەۋمەتتىك كومەك تۇرلەرى ەنگىزىلمەك؟ Kazinform ءتىلشىسى وسى ساۋالدارعا جاۋاپ ىزدەپ كورۋگە تىرىستى.

كارتا ارقىلى قانداي كومەك تۇرلەرىن الۋعا بولادى؟

ەستە بولسا، 2022-جىلدىڭ 1-قىركۇيەگىنەن باستاپ وتباسىنىڭ تسيفرلىق كارتاسى ارقىلى جاردەماقىلار مەن الەۋمەتتىك تولەمدەردىڭ 11 ءتۇرى جانە حابارلامالاردىڭ 3 ءتۇرى بويىنشا قىزمەتتەر الۋ مۇمكىندىگى ۇسىنىلعان ەدى. ولار:

- بالانىڭ تۋۋى بويىنشا، بالا كۇتىمى بويىنشا، مۇگەدەكتىگى بار بالا كۇتىمى بويىنشا، جۇمىسسىزدىق بويىنشا، اسىراۋشىسىنان ايىرىلۋ بويىنشا تولەمدەر، مۇگەدەكتىگى بويىنشا جاردەماقىلار، كۇمىس القا نەمەسە التىن القا ناگرادتالعان كوپ بالالى وتباسىلار، ا ا ك؛

- زەينەتاقى تولەمدەرى، جۇمىسقا ورنالاستىرۋ بويىنشا حابارلامالار؛

- قانداستارعا حابارلامالار.

2022-جىلعى قىركۇيەكتەن باستاپ بۇگىنگى كۇنگە دەيىن 1230630 مىڭ ازاماتقا مەملەكەتتىك قىزمەتتەر كورسەتۋگە كەلىسىم الۋ ءۇشىن ءتيىستى SMS جولداندى، ونىڭ ىشىندە 720 مىڭنان استام ازاماتقا تاعايىندالدى.

جوبا قانداي باعىتتا دامىتىلادى؟

2023-جىلدان باستاپ وتباسىنىڭ سيفرلىق كارتاسى تولىققاندى ىسكە قوسىلدى. ونىڭ ماقساتى - قازاقستاندىقتاردىڭ مەملەكەتتىك قولداۋ جۇيەسىنە تەڭ قولجەتىمدىلىگىن قامتاماسىز ەتۋ. كارتاسى ءال-اۋقاتتىڭ ءارتۇرلى سالالارىنداعى وتباسىلاردىڭ وسالدىقتارى مەن تاۋەكەلدەرىن انىقتاۋعا جانە ومىرلىك قيىن جاعدايدىڭ دەڭگەيىن پرواكتيۆتى فورماتتا، ياعني قيىن جاعدايدا جۇرگەن ادامداردىڭ ءوتىنىشىنسىز انىقتاۋعا مۇمكىندىك بەرەدى.
وتباسىنىڭ تسيفرلىق كارتاسى وتباسىنىڭ ءال-اۋقات دەڭگەيىن ەكونوميكالىق، الەۋمەتتىك جانە تۇرعىن ءۇي جاعدايلارى، دەنساۋلىق، ءبىلىم بويىنشا باعالايدى. سونداي-اق، وتباسىلاردى 5 ساناتقا بولەدى:

A - ءال-اۋقاتى جاقسى
B - قاناعاتتانارلىق
C - تۇرمىسى ناشار
D - داعدارىس
E- قيىن جاعدايدا.

قازىرگى ۋاقىتتا وتباسىنىڭ تسيفرلىق كارتاسىندا ەلىمىزدىڭ 20 ميلليوننان استام ازامات تۋرالى دەرەكتەر جينالدى. ولار 6,3 ميلليون وتباسىنا بولىنگەن.

ايتا كەتەرلىگى، وتباسىنىڭ سيفرلىق كارتاسى ءقازىردىڭ وزىندە وتباسىنىڭ اۋماقتىق ورنالاسۋى تۋرالى مالىمەتتەردى، ەڭ باستىسى - الەۋمەتتىك-ەكونوميكالىق، تۇرعىن ءۇي جاعدايلارى، وتباسى مۇشەلەرىنىڭ دەنساۋلىق ساقتاۋ، ءبىلىم بەرۋ، الەۋمەتتىك قورعاۋ جانە باسقا دا تىرشىلىك سالالارىنا قاجەتتىلىكتەرى تۋرالى اقپاراتتى قامتيدى. كارتا وتباسىنىڭ وسالدىقتارى مەن تاۋەكەلدەرىن، ءال-اۋقات يندەكسىن انىقتاۋعا، وتباسىنىڭ قيىن ومىرلىك جاعدايىنىڭ دەڭگەيىن باعالاۋعا، سونىمەن قاتار مەملەكەتتىك ورگاندار مەن اكىمدەرگە ءوڭىردىڭ الەۋمەتتىك-ەكونوميكالىق دامۋ باعدارلامالارىن ازىرلەۋ ءۇشىن وڭىرلەردەگى احۋالدى تالداۋعا مۇمكىندىك بەرەدى.

وتباسىنىڭ تسيفرلىق كارتاسى مالىمەتتەرى بويىنشا وتباسىلاردىڭ (ادامداردىڭ) الەۋمەتتىك ءال-اۋقاتىنا جۇرگىزىلگەن تالداۋ نەگىزىندە بۇگىندە اكىمدەر ءۇشىن «داعدارىس» جانە «قيىن جاعدايدا» ساناتتارداعى وتباسىلار سانىن ازايتۋ بويىنشا KPI (تيىمدىلىكتىڭ نەگىزگى كورسەتكىشى) بەلگىلەۋ ۇسىنىلادى.

جىلدىق ينديكاتورلاردى بەلگىلەي وتىرىپ، وسى ساناتتارداعى وتباسىلار سانىن ازايتۋ بويىنشا وڭىرلەردىڭ رەيتينگىن ەسەپتەۋدىڭ ءتيىستى ادىستەمەسى ازىرلەندى. اكىمدەردىڭ رەيتينگى پايىزدىق ماندە تومەندەۋدىڭ جىلدىق ينديكاتورلارىنا قول جەتكىزۋدى ەسكەرە وتىرىپ باعالانادى. وتباسىلاردى نەعۇرلىم «ءال-اۋقاتى جاقسى» ساناتتارعا شىعارۋ ءۇشىن وبلىس اكىمدەرى ءۇشىن KPI بەلگىلەندى. وڭىرلەر رەيتينگىنىڭ قورىتىندىلارى قازاقستان رەسپۋبليكاسىنىڭ ۇكىمەتى دەڭگەيىندە پايىزدىق ماندە تومەندەۋدىڭ جىلدىق ينديكاتورلارىنا قول جەتكىزۋدى ەسكەرە وتىرىپ باعالانادى.

قازىرگى ۋاقىتتا دەرەكتەرى جاڭارتىلماعان وتباسىلار سانى مەن D جانە ە ساناتىنداعى وتباسىلار سانىن ازايتۋ بويىنشا جۇمىس جۇرگىزىلىپ جاتىر. وسىعان بايلانىستى تابىسى، اكتيۆتەرى، مەديتسينالىق ساقتاندىرۋى جوق ادامداردى انىقتاۋ، تۇرعىلىقتى جەرى بويىنشا تۇراقتى تىركەۋ جانە ولارعا ءتيىستى قولداۋ شارالارى مەن كونسۋلتاتسيالار بەرۋ بويىنشا جەرگىلىكتى اتقارۋشى ورگاندارمەن جۇمىس جۇرگىزىلىپ جاتىر.

سونىمەن قاتار، ومىرلىك قيىن جاعدايعا تاپ بولعان ازاماتتارعا قىزمەت كورسەتۋ اياسىندا ادامنىڭ پورترەتىن بەرۋ بولىگىندە وتباسىن قولداۋ ورتالىعى قىزمەتكەرىنىڭ FSMSOCIAL اۆتوماتتاندىرىلعان جۇمىس ورنىمەن وتباسىنىڭ سيفرلىق كارتاسىن ينتەگراتسيالاۋ جۇمىستارى قولعا الىنعان. سونداي-اق، FSMSOCIAL اۆتوماتتاندىرىلعان جۇمىس ورنىمەن جاسالىپ جاتقان جۇمىستار اياسىندا مەنەدجمەنت كەيسىن جۇزەگە اسىرۋ جوسپارلانعان.

وتباسىنىڭ سيفرلىق كارتاسى مەملەكەتتىك ورگانداردىڭ 30 اقپاراتتىق جۇيەسىمەن ينتەگراتسيالانعان جانە ولاردىڭ مالىمەتتەرى نەگىزىندە وتباسىنىڭ قۇرامىن اۆتوماتتى تۇردە ايقىندايدى جانە وتباسىلاردىڭ ءومىر ءسۇرۋ دەڭگەيىن باعالاۋدى قالىپتاستىرادى. قازىرگى ۋاقىتتا بارلىق ينتەگراتسيالار «Smart Data Ukimet» ارقىلى جۇزەگە اسىرىلادى. وتباسىنىڭ تسيفرلى كارتاسى، ءوز كەزەگىندە «Smart Data Ukimet» مەملەكەتتىك ورگانداردىڭ اقپاراتتىق جۇيەلەرىمەن قاجەتتى ينتەگراتسيالارعا يە.

كارتاعا تاعى قانداي الەۋمەتتىك كومەك تۇرلەرى ەنگىزىلەدى؟

قولدانىستاعى سيفرلىق پلاتفورمانى جاڭعىرتۋ مەملەكەتتىك جانە مەملەكەتتىك ەمەس اقپاراتتىق رەسۋرستارمەن قوسىمشا قاجەتتى ينتەگراتسيالاردى ىسكە اسىرۋدى، الەۋمەتتىك قىزمەتكەرلەر ءۇشىن ءموبيلدى قوسىمشالاردى ازىرلەۋدى كوزدەيدى.

جاڭعىرتىلعان الەۋمەتتىك كارتانى ىسكە اسىرۋدى ەسكەرە وتىرىپ الەۋمەتتىك قىزمەتتەردىڭ ينتەگراتسيالانعان مودەلى كەلەسى مۇمكىندىكتەردى قامتاماسىز ەتەدى:

- وتباسىلىق تۇرمىسى تومەندەۋدىڭ الدىن الۋ ماقساتىندا ومىرلىك قيىن جاعدايعا تاپ بولعان وتباسىلاردى (ادامداردى) اۆتوماتتى رەجيمدە انىقتاۋدى ۇيىمداستىرۋ؛

- وتباسىنىڭ ءار مۇشەسىنىڭ جەكە ەرەكشەلىكتەرىن ەسكەرە وتىرىپ، وتباسىنىڭ (ادامنىڭ) قاجەتتىلىگىن كەشەندى باعالاۋ؛

- تىرشىلىك ارەكەتىنىڭ بەس نەگىزگى سالاسىنداعى (الەۋمەتتىك جاعدايلار، جۇمىسپەن قامتۋ، ەكونوميكالىق جاعدايلار، دەنساۋلىق ساقتاۋ، ءبىلىم بەرۋ، تۇرعىن ءۇي جاعدايلارى) الەۋمەتتىك تەڭسىزدىك كورىنىستەرىن تەرەڭ تالداۋ مۇمكىندىگىمەن وسال وتباسىلار (تۇلعالار) تۋرالى جان-جاقتى، بولشەكتەلگەن جانە جاڭارتىلعان اقپاراتتى جۇرگىزۋ؛

- وتباسىنا (ادامعا) ءتيىمدى قولداۋ شارالارىن كورسەتۋدە جانە ونى ومىرلىك قيىن جاعدايدان تەزىرەك شىعارۋدا ءارتۇرلى ۆەدومستۆولاردىڭ كۇش- جىگەرىن شوعىرلاندىرۋ؛

- «ەشكىمدى ارتتا قالدىرماۋ» قاعيداتىن ىسكە اسىرۋ؛

- دەرەكتەردى جيناۋ، وڭدەۋ جانە مونيتورينگىلەۋ سالاسىنداعى مەملەكەتتىك فۋنكسيالاردىڭ قايتالانۋىن بولعىزباۋ؛

- وتباسىنىڭ قاجەتتىلىكتەرىن باعالاۋ بويىنشا مەملەكەتتىك ورگانداردىڭ قايتالاناتىن فۋنكسيالارىن وڭتايلاندىرۋ؛

- قوعامنىڭ ناقتى پروبلەمالارى مەن قاجەتتىلىكتەرى نەگىزىندە بيۋجەتتىك جوسپارلاۋدىڭ تيىمدىلىگىن ارتتىرۋ.

ەڭ باستىسى، ەلدەگى بارلىق ۇسىنىستى جۇزەگە اسىرعان جاعدايدا، ونىڭ ءاربىر مۇشەسىنىڭ قاجەتتىلىكتەرىن (وسالدىقتارىن) ەسكەرە وتىرىپ، ومىرلىك تسيكلدىڭ بارلىق كەزەڭىندە وتباسىن سۇيەمەلدەۋ ينستيتۋتىن قۇرۋ مۇمكىندىگى پايدا بولادى. سودان كەيىن مەملەكەتتىك ورگانداردىڭ ارەكەتتەرى پاندەميا كورسەتكەندەي، زارداپتارمەن كۇرەسۋگە ەمەس، وتباسىنىڭ (ادامنىڭ) وسالدىقتارىنىڭ الدىن الۋعا باعىتتالادى.