وتباسى بانك «ناۋرىز» باعدارلاماسى بويىنشا زاەمدى ونلاين راسىمدەۋگە بولادى

استانا. KAZINFORM - «ناۋرىز» باعدارلاماسى بويىنشا تولەم قابىلەتتىلىگىن ونلاين باعالاتىپ، كرەديتتىك ءوتىنىمدى ونلاين جولداپ، زاەمدى ونلاين راسىمدەۋگە بولادى.

وتباسى بانك («بايتەرەك» حولدينگىنىڭ ەنشىلەس ۇيىمى) جاڭا تۇرعىن ءۇي باعدارلاماسىنىڭ قاتىسۋشىلارىنا، جالپى ءوزىنىڭ بارلىق كليەنتتەرىنە تۇرعىن ءۇي ساتىپ الۋ ماقساتىمەن بولىمشەلەرگە بارماۋ ءۇشىن قولايلى جاعداي جاساپ قويعان. ونلاين-يپوتەكا ۋاقىت ۇنەمدەۋگە جانە بانك فيليالدارىندا ۇزىن- سونار كەزەكتە تۇرماۋعا مۇمكىندىك بەرەدى.

بۇل قىزمەتتى پايدالانۋ ارقىلى قاراجاتىڭىزدى دا ۇنەمدەي الاسىز. سەبەبى، زاەمدى قاشىقتان راسىمدەۋ كەزىندە كرەديتتىك ءوتىنىمدى قاراستىرۋ ءۇشىن اقى الىنبايدى. ال نەسيە بەرۋدى ۇيىمداستىرۋ قىزمەتى ءۇشىن بانك قارىز الۋشىعا P جەڭىلدىك بەرىلەدى.

تولەم قابىلەتتىلىگىن تەكسەرۋدەن باستاپ نەسيە العانعا دەيىن كليەنتتى جەكە مەنەدجەر سۇيەمەلدەپ جۇرەدى. ول قولداۋ كورسەتىپ، كەڭەس بەرۋ ءۇشىن اركەز بايلانىستا بولادى.

سەرۆيستى پايدالانۋ ءۇشىن بەينەبانكينگ قىزمەتى ارقىلى وتباسى بانكىنىڭ رەسمي سايتىندا نەمەسە باسپانا ماركەت پورتالىنداعى (otbasybank.kz) جەكە كابينەتتە بەينە وپەراتورعا قوڭىراۋ شالۋ قاجەت.

2024 -جىلدىڭ 15-شىلدەسىندە وتباسى بانك «ناۋرىز» باعدارلاماسىنا قاتىسۋشىلاردىڭ ءتىزىمىن جاريالادى. 12500 قازاقستاندىق «ناۋرىز» باعدارلاماسى قاتىسۋشىلاردىڭ تىزىمىنە ەنگەنى تۋرالى كوپتەن كۇتكەن اقجولتاي جاڭالىق الدى ء(وتىنىش بەرۋشىلەردىڭ تولىق ءتىزىمى وتباسى بانكىنىڭ رەسمي سايتىندا جاريالانعان).

ەندى «ناۋرىز» باعدارلاماسىنىڭ قاتىسۋشىلارى وتباسى بانكىنە كرەديتتىك ءوتىنىم بەرۋلەرى ءتيىس. ول ءۇشىن بانك كليەنتتەرگە بارىنشا قولايلى ەتىپ بۇل مەرزىمدى قىركۇيەك ايىنىڭ ورتاسىنا دەيىن ۇزارتتى. وسى ارادا ۋاقىت پەن قاراجاتتى ۇنەمدەۋ ءۇشىن اتالمىش وپەراتسيانى ونلاين رەجيمىندە جاساۋعا بولادى. ياعني بانك بولىمشەلەرىنە كەلۋدىڭ قاجەتى جوق.

بۇگىنگى تاڭدا «ناۋرىز» باعدارلاماسى بويىنشا 2 مىڭنان استام ادام تولەم قابىلەتتىلىگىن راستادى. ەندى ولار نەسيەلىك ءوتىنىم بەرىپ، باسپانا تاڭداپ، زاەم الۋلارى قاجەت. بۇل مۇمكىندىكتەن «ناۋرىز» باعدارلاماسىنا قاتىسۋشىلار دا شەكتەلمەيدى. ولار بيىلعى جىلدىڭ جەلتوقسان ايىنىڭ ورتاسىنا دەيىن باسپانا ساتىپ الا الادى.

«ناۋرىز» باعدارلاماسى بويىنشا زاەمدار 2024 -جىلدىڭ 24-شىلدەسىنەن باستاپ بەرىلەتىن بولادى.

«ناۋرىز» باعدارلاماسى اياسىندا تۇرعىن ءۇي ساتىپ الۋ بويىنشا كەلەسى شارتتار ۇسىنىلادى:

- العاشقى نارىقتاعى تۇرعىن ءۇي، ونىڭ ىشىندە ق ت ك كەپىلدىگىمەن ۇلەستىك قاتىسۋ شارتى جانە ساقتاندىرۋ قۇرالى بويىنشا؛

- مونوقالالار مەن اۋىلدىق ەلدىمەكەندەردە ەكىنشى نارىقتاعى تۇرعىن ءۇي، جىلىنا بولىنگەن قاراجاتتىڭ جالپى كولەمىنىڭ 0 نان اسپايتىن كولەمدە.

زاەمنىڭ ەڭ جوعارعى مولشەرى:

- الماتى مەن استانا قالالارى ءۇشىن - 36 ميلليون تەڭگەگە دەيىن.

- قالعان وڭىرلەر ءۇشىن - 30 ميلليون تەڭگەگە دەيىن.

باعدارلاماعا قاتىسۋشى باستاپقى تۇرعىن ءۇيدى باسپانا ماركەت پورتالىنان (otbasybank.kz) تاڭداپ، برونداي الادى. قازىرگى ۋاقىتتا بانك باسپانا ماركەت پورتالىندا (otbasybank.kz) «وتاۋ» باعدارلاماسىنا قاتىسۋشىلار ءۇشىن دە، «ناۋرىز» باعدارلاماسىنا قاتىسۋشىلار ءۇشىن دە 13172 پاتەردەن تۇراتىن 490 تۇرعىن ءۇي كەشەنى ۇسىنىلعان. بۇل ءتىزىم كۇن سايىن تولىقتىرىلىپ وتىر.

«ناۋرىز» باعدارلاماسىنىڭ شارتتارى:

- العاشقى جارنا - دان باستاپ؛

- تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت بويىنشا مولشەرلەمە - %7 (ج ت س م %7,3 دان %8,9 دەيىن)؛

- ازاماتتاردىڭ بارلىق ساناتتارى ءۇشىن كرەديت بويىنشا مولشەرلەمە - %9 (ج ت س م %9,3 دان ,8 دەيىن)؛

- نەسيە مەرزىمى - 19 جىلعا دەيىن.