قازىر قازاقستاندىق فيلمدەردىڭ كاسسالىق تابىسى كوڭىل قۋانتادى. سونىڭ ءبىر دالەلى — «زامانبەك 2» كارتيناسىنىڭ ناتيجەسى. فيلمنىڭ پروكاتتان جيناعان قارجىسى 1 ميلليارد 600 ميلليون تەڭگەگە جەتتى.
ول بىلتىر كورەرمەنگە جول تارتقان العاشقى ءبولىمنىڭ 1 ميلليارد 480 ميلليون تەڭگەلىك كورسەتكىشىنەن اسىپ ءتۇستى.
ال «باجا» كومەدياسىنىڭ كاسسالىق ءتۇسىمى 1 ميلليارد 100 ميلليون تەڭگەنى قۇرادى.
كينويندۋستريا وكىلدەرىنىڭ پىكىرىنشە، بۇل ءۇردىس وتاندىق كينونىڭ دامۋىنا وڭ اسەر ەتەتىن جاڭا ءداستۇردىڭ قالىپتاسۋىنا جول اشادى.
الايدا كينويندۋستريا وكىلدەرىنىڭ نازارىن اۋدارعانى تەك كاسسالىق تابىس ەمەس. سوڭعى ۋاقىتتا وتاندىق پروديۋسەرلەردىڭ ءوزارا قولداۋى كۇشەيىپ كەلەدى. ولار ارىپتەستەرىنىڭ فيلمدەرىن كورەرمەنگە ۇسىنۋعا جانە اۋديتوريانى ورتاق ماقساتقا جۇمىلدىرۋعا اتسالىسىپ ءجۇر.
مۇنداي قولداۋدىڭ يگىلىگىن «باۋىر» فيلمى دە كورىپ وتىر. KINO. KZ پلاتفورماسىندا ءۇش كۇن ىشىندە 18700-دەن استام بيلەت ساتىلىپ ۇلگەردى.
كينويندۋستريا وكىلدەرىنىڭ پىكىرىنشە، بۇل ءۇردىس وتاندىق كينونىڭ دامۋىنا وڭ اسەر ەتەتىن جاڭا ءداستۇردىڭ قالىپتاسۋىنا جول اشپاق. ويتكەنى ءار قازاقستاندىق كارتينانىڭ تابىسى كورەرمەننىڭ ۇلتتىق كينوعا دەگەن قىزىعۋشىلىعىن ارتتىرىپ، تۇتاس سالانىڭ الەۋەتىن نىعايتادى.
ايتا كەتەيىك، بۇعان دەيىن، اپتانىڭ كينوپرەمەرالار ءتىزىمىن حابارلاعان ەدىك.