ونىڭ سوزىنشە، ءدارىحانالار مەن ءدارىحانا پۋنكتتەرىنىڭ سانى% 6- عا ارتىپ، جالپى سانى 10 مىڭنان استى. ونىڭ 3 مىڭنان استامى اۋىلدىق جەرلەردە.
— ءدارىحانالاردا قىزمەت كورسەتۋ ساپاسىن ارتتىرۋ ءۇشىن «ءدارىحانالىق تاجىريبەنىڭ (GPP) ستاندارتتارى» ەنگىزىلدى. بۇل ستاندارتتار ءدارى- دارمەكتەردى ساقتاۋ، ولاردى بوساتۋ جانە پاتسيەنتتەرگە كەڭەس بەرۋگە قاتىستى تالاپتاردى بەلگىلەيدى. سوڭعى 2 جىلدى وسى ستاندارتتارعا سايكەستىگىن راستايتىن ءدارىحانالاردىڭ سانى %34- عا ارتتى. بۇگىندە ەلىمىزدەگى ءاربىر ءۇشىنشى ءدارىحانا وسى ستاندارتتارعا سايكەس كەلەدى، — دەدى مينيستر.
سونىمەن قاتار، ونىڭ سوزىنشە، فارماتسيەۆتيكالىق نارىقتا دارىلىك زاتتاردىڭ تۇرلەرىن كەڭەيتۋ ماقساتىندا تىركەۋ راسىمدەرى وڭتايلاندىرىلىپ، سيفرلىق فورماتقا كوشىرىلدى. ناتيجەسىندە، تىركەلگەن دارىلىك زاتتار مەن مەديتسينالىق بۇيىمداردىڭ سانى وتكەن جىلمەن سالىستىرعاندا 1423 اتاۋعا ارتىپ، ولاردىڭ سانى 22 مىڭعا جەتتى.
— 2026 -جىلدىڭ 9 ايىنىڭ قورىتىندىسى بويىنشا ءدارى-دارمەك ساتىلىمى، وتكەن جىلدىڭ سايكەس كەزەڭىمەن سالىستىرعاندا %4- عا ءوستى. مەملەكەتتىك قولداۋ شارالارى ناتيجەسىندە وندىرىلگەن قازاقستاندىق دارىلىك زاتتاردىڭ كولەمى %13- عا ارتىپ، ىشكى نارىقتاعى ۇلەسى %42- عا جەتتى، — دەدى اقمارال ءالنازاروۆا.
ايتا كەتەيىك، بۇعان دەيىن Polpharma قازاقستانداعى فارماتسيەۆتيكا سالاسىن قالاي دامىتىپ جاتقانىن جازعانبىز.