وتاردا كوماعا تۇسكەن سارباز: اسكەري قىزمەتشىگە قاتىستى سوت ۇكىمى شىقتى

الماتى. KAZINFORM - الماتى گارنيزونىنداعى اسكەري سوتتا وتاردا ساربازدى ۇرىپ، جانساقتاۋ بولىمىنە تۇسىرگەن كىشى سەرجانتقا قاتىستى سوت ۇكىمى شىقتى.

الماتى گارنيزونىنىڭ اسكەري سوتىندا ت- عا قاتىستى بيلىكتى اسىرا پايدالانۋ فاكتىسى بويىنشا قىلمىستىق ءىس قارالدى. (ق ك- ءنىڭ 451-بابىنىڭ 1-بولىگى)

سوتتا انىقتالعانداي، 2024-جىلدىڭ ماۋسىم ايىندا سوتتالۋشى ت. جەكە قۇرامدى باسقارا وتىرىپ، اسكەرگە شاقىرىلعان سارباز ءا. - ءنىڭ ىشىنەن ادەيى سوققى جاساپ، ونىڭ دەنساۋلىعىنا جەڭىل زيان كەلتىرگەن. بۇل ارەكەت ارقىلى ايىپتالۋشى ونىڭ ابىرويىن تاپتاپ، ۇستەمدىگىن كورسەتۋدى كوزدەگەن.

سوتتالۋشىنىڭ كىناسى جابىرلەنۋشىنىڭ، كۋالاردىڭ ايعاقتارىمەن، تەرگەۋ حاتتامالارىمەن جانە ساراپتاما قورىتىندىلارىمەن دالەلدەندى. سوتتالۋشى ءوز كىناسىن مويىندامادى.

جابىرلەنۋشىنىڭ وكىلدەرى سۋديادان ايىپتالۋشىنى زاڭنىڭ بارىنشا قاتاڭدىعىمەن جازالاۋدى جانە ماتەريالدىق شىعىندى وتەۋدى سۇرادى.

- اسكەري سوت اسكەري قىزمەتشى ت- نى كىنالى دەپ تانىپ، 3 جىلعا باس بوستاندىعىنان ايىردى. سونداي-اق، سوت جابىرلەنۋشىنىڭ پايداسىنا 2 ميلليوننان استام تەڭگە ماتەريالدىق شىعىن ءوندىردى، - دەپ حابارلادى الماتى گارنيزونى اسكەري سوتىنىڭ باسپا ءسوز قىزمەتى.

سوت ۇكىمى زاڭدى كۇشىنە ەنگەن جوق.

ايتا كەتەيىك، جامبىل وبلىسىندا سارباز جانساقتاۋ بولىمىنە تۇسكەن ەدى.

پرەزيدەنت قاسىم-جومارت توقايەۆ ساربازدىڭ كوماعا تۇسۋىنە قاتىستى ءمان-جايدى زەرتتەپ، كىنالى ادامداردى جازالاۋدى تالاپ ەتتى.