وتاندىق وندىرۋشىلەردىڭ ءبىرىڭعاي ءتىزىلىمى ازىرلەنەدى
استانا. KAZINFORM - وسى جىلدىڭ سوڭىنا دەيىن وتاندىق وندىرۋشىلەردىڭ ءبىرىڭعاي ءتىزىلىمى جاساقتالادى. بۇل تۋرالى ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆ ايتتى.
بۇگىندە وتاندىق وندىرۋشىلەردىڭ ءبىرىڭعاي ءتىزىلىمىن جيناقتاۋ جۇمىسى جۇرگىزىلىپ جاتىر. تىزىلىمدە وتاندىق تاۋار وندىرۋشىلەر تۋرالى اقپارات، ونىڭ ىشىندە شىعارىلاتىن ءونىم، كولەمى، كورسەتىلەتىن قىزمەت تۇرلەرى جانە قىزمەتكەرلەر سانى تۋرالى تولىق مالىمەت قامتىلاتىن بولادى» ، - دەدى ول.
ءمينيستردىڭ سوزىنە قاراعاندا، تىزىلىمگە ەنگىزىلگەن سۋبەكتىلەر مەملەكەتتىك قولداۋ شارالارىنا، سونىمەن قاتار، مەملەكەتتىك، كۆازيمەملەكەتتىك جانە جەر قويناۋىن پايدالانۋشى كومپانيالاردىڭ ساتىپ الۋلارىنا قاتىسا الادى.
«تىزىلىمگە ەنگىزىلگەن وندىرۋشىلەرگە لوكاليزاتسيالاۋدى ارتتىرۋ شارتى قويىلادى. وسى جىلدىڭ سوڭىنا دەيىن ءتىزىلىمدى ىسكە قوسۋ جۇمىستارىن تولىق اياقتاۋ كوزدەلىپ وتىر»، - دەدى قانات شارلاپايەۆ.