وسى عاسىردىڭ ەڭ ۇزدىك كىتابىن انىقتالدى - روماننىڭ سىرى نەدە؟

استانا. قازاقپارات - رەيتينگ جاساۋ ءۇشىن جۋرناليستەر 500-دەن استام جازۋشى، پۋبليتسيست، اقىن، ادەبيەت سىنشىسى، اۋدارماشى جانە ارتىستەردەن ساۋالناما العان.

ەلەنا فەررانتەنىڭ «مەنىڭ گەنيالدى قۇربىم» رومانى The New York Times گازەتى جاريالاعان XXI عاسىردىڭ 100 ۇزدىك شەتەلدىك كىتاپتارى رەيتينگىسىندە ءبىرىنشى ورىندى يەلەندى. بۇل تىزىمگە 2000 -جىلدىڭ 1-قاڭتارىنان باستاپ شىققان شىعارمالار ەنگىزىلدى. روماننىڭ ساتتىلىگىنىڭ سىرى نەدە؟

ەلەنا فەررانتە - الەمدەگى ەڭ كوپ وقىلاتىن اۆتورلاردىڭ ءبىرى. الايدا ول سۇحباتتار بەرمەيدى جانە جۇرتشىلىقتان الىستا جۇرەدى. كەيبىر دەرەكتەرگە سۇيەنسەك، فەررانتە - بۇل شىن ەسىم ەمەس، شىعارماشىلىق لاقاپ ات.

«نارتسيسسيزم باسىم بولىپ تۇرعان زاماندا، ەلەنا فەررانتە ءوزىنىڭ ەگوسىن بارىنشا جاسىرۋدى شەشتى»، - دەيدى دۋبليندەگى ترينيتي كوللەدجىنىڭ يتاليان ادەبيەتىن زەرتتەۋشى جازۋشى ەنريكا فەررارا.

بۇرىن وسى ايدا New York Times Book Review فەررانتەنىڭ «مەنىڭ گەنيالدى قۇربىم» رومانىن XXI عاسىردىڭ ۇزدىك 100 كىتابى تىزىمىندە ءبىرىنشى ورىنعا قويدى. رەيتينگتى جاساۋ ءۇشىن جۋرناليستەر 500-دەن استام جازۋشى، پۋبليتسيست، اقىن، ادەبيەت سىنشىسى، اۋدارماشى جانە ارتىستەردەن ساۋالناما الدى. ولاردىڭ قاتارىندا ستيۆەن كينگ، دجون يرۆينگ، نيك حورنبي، كارل ۋۆە كناۋسگور، گاري شتەينگارت، سارا دجەسسيكا پاركەر سياقتى تۇلعالار بار. سونداي-اق، New York Times ءوز وقىرماندارىنىڭ دا پىكىرىن سۇراپ، ولار «گەنيالدى قۇربىمدى» 100 سۇيىكتى كىتاپتىڭ ىشىندە سەگىزىنشى ورىنعا ورنالاستىردى.

«مەنىڭ گەنيالدى قۇربىم» رومانىندا ايەلدەر اراسىنداعى دوستىق تۋرالى بۇرىن ەشكىم جازباعان دەڭگەيدە باياندالعان. بۇل تۋىندىنى وسىنداي تانىمال ەتكەن دە وسى»، - دەيدى فەررارا. روماننىڭ باستى كەيىپكەرى ەلەنا ءوزىنىڭ ليلا ەسىمدى باتىل قۇربىسىمەن قارىم-قاتىناسى تۋرالى: ء«بىزدى ەشكىم تۇسىنگەن جوق، تەك ەكەۋىمىز عانا ءبىر-ءبىرىمىزدى تۇسىنگەندەي ەدىك»، - دەپ ەسكە الادى.

سىنشىلاردىڭ ايتۋىنشا، كىتاپتىڭ نەگىزگى يدەياسى - قىزداردىڭ دوستىعى. فەررانتەنىڭ ەرەكشە ستيلى مەن ەلەنا مەن ليلانىڭ كۇردەلى قارىم- قاتىناسىن شىنايى تۇردە كورسەتۋى وقىرمانداردى باۋراپ الدى.

«مەنىڭ گەنيالدى قۇربىم» رومانىندا يدەاليزاتسياعا ورىن جوق. اۆتور دوستىقتىڭ «رەتسەپتىن» - باسەكەلەستىك، تەرەڭ تاڭدانۋ، ۇيالۋ، قىزعانىش قوسپاسىن اشىق كورسەتكەن. لوندوندىق مايا ەسىمدى فەررانتەنىڭ رومانىنىڭ جانكۇيەرى سىنشىنىڭ باعاسىمەن كەلىسەدى: «فەررانتەنىڭ ايەلدەر دوستىعى تۋرالى جازۋ ءتاسىلى ەرەكشە. مەن ومىرىمدە مۇنداي تۋىندىنى وقىعان ەمەسپىن»، - دەيدى ول Euronews Culture-عا بەرگەن سۇحباتىندا.