وسكەمەندەگى حايۋاناتتار باعىندا ايۋ ءۇش بىردەي قونجىق تۋدى
وسكەمەن. KAZINFORM - وسكەمەن قالاسىنداعى سول جاعالاۋ مۋزەي-قورىعى كەشەنىندە شاندي ەسىمدى ايۋ ءۇش قونجىق تۋدى.
بۇل - سيرەك كەزدەسەتىن جاعداي. سەبەبى ايۋلار ادەتتە ەكى قونجىقتان اسىرىپ تۋمايدى. قونجىقتار قاڭتار ايىنىڭ باسىندا دۇنيەگە كەلدى. ولار العاشقى اپتالارىن انالارىنىڭ قامقورلىعىمەن اپاندا وتكىزدى. وسى كەزدە زوولوگتار كەدەرگى كەلتىرمەۋ ءۇشىن كامەرامەن باقىلاپ قانا وتىردى.
بۇگىن شاندي العاش رەت قونجىقتارىن اپاننان شىعاردى. قيمىلى ەبەدەيسىز مايماقتارعا اينالانىڭ ءبارى تاڭسىق ءارى قىزىق. ەندى قونجىقتاردى حايۋاناتتار باعىنا كەلگەن ادامدار دا كورە الادى.
- ءۇش بىردەي قونجىقتىڭ تۋۋى - حايۋاناتتار باعى ءۇشىن وتە سيرەك قۇبىلىس. انا ايۋدىڭ ءوزىن جايلى سەزىنىپ، بالالارىنا قامقورلىق جاساپ جاتقانىنا قۋانىشتىمىز، - دەيدى مۋزەي-قورىعى كەشەنىنىڭ قىزمەتكەرلەرى.
زوولوگتار قونجىقتاردىڭ جاعدايىن ءجىتى باقىلاۋدى جالعاستىرا بەرمەك.
ەسكە سالساق، بۇعان دەيىن ەكولوگيا مينيسترلىگى كيىك اتۋدان باس تارتپاقشى ەكەنىن جازعانبىز.