وسكەمەندە يەسىز يتتەر 400 دەن استام ادامدى قاپقان

وسكەمەن. KAZINFORM - وسكەمەن قالاسىندا جىل باسىنان بەرى يەسىز يتتەردەن 400 دەن استام ادامدى يت تىستەپ العان.

قالالىق سانيتارلىق- ەپيدەميولوگيالىق باقىلاۋ باسقارماسىنىڭ مالىمەتىنە سۇيەنسەك، جىل باسىنان بەرى اۋرۋحانالارعا قاڭعىرعان يتتەر تىستەن العان 448 ادام جۇگىنگەن. جالپى 11 ايعا جۋىق ۋاقىت كولەمىندە يەسىز جانۋارلاردىڭ شابۋىلىنان مىڭعا جۋىق ادام زارداپ شەكتى. ونىڭ ىشىندەگى بالالار سانى - 288.

كوبىنەسە حالىقتى يەسىز يتتەر قاۋىپ الىپ جاتتى. ال 369 ادامدى ۇيدەگى يتتەر، 69 ادامدى قاڭعىرعان مىسىق، 161 ادامدى ءۇي مىسىقتارى تىستەدى. بارلىق زارداپ شەككەندەر قۇتىرۋعا قارسى ەكپە العان.

«ءيت، مىسىق جانە باسقا دا جانۋار تىستەپ العان ادام قۇتىرۋ جانە سىرەسپە اۋرۋلارىنا دۋشار بولۋى مۇمكىن. سوندىقتان دا ۋاقتىلى ەكپە سالدىرۋ كەرەك. بيىل وسكەمەندە وسىنداي اۋرۋلار تىركەلگەن جوق»، - دەلىنگەن اقپاراتتا.

ەسكە سالساق، وسىعان دەيىن بۇرالقى يتتەردى اۋلاۋعا، زارارسىزداندىرۋعا قانشا قاراجات قاجەتتىگى حابارلانعان.

اۆتور
تالعاتجان مۇحامەتبەك ۇلى