وسكەمەندە پوليتسەيدى بوقتاعان ايەل جازالاندى
وسكەمەن. KAZINFORM - وسكەمەن قالاسىندا پوليتسيا قىزمەتكەرىن ماس كۇيدە بوقتاعان ايەل 80 ساعاتتىق قوعامدىق جۇمىسقا تارتىلدى.
قالالىق 2-سوتى باسپا ءسوز قىزمەتىنىڭ مالىمەتىنە سۇيەنسەك، قۇقىق قورعاۋ ورگانى قىزمەتكەرىن بالاعاتتاعان ايەلگە قاتىستى قىلمىستىق ءىس قارالدى.
- وسى جىلدىڭ قىركۇيەك ايىندا پوليتسيا كاپيتانى ەر ادامعا ۇرلىق فاكتىسىنىڭ ءمان-جايىن انىقتاۋ ءۇشىن پوليتسيا بولىمىنە بارۋدى ۇسىنعان كەزدە ونىڭ ايەلى شۋ شىعارعان. ماس كۇيدەگى ايەل ءتارتىپ ساقشىسىن بالاعاتتاي جونەلدى. ونىڭ كىناسى بەينەجازبامەن، جابىرلەنۋشىنىڭ ايعاقتارىمەن جانە تەرگەۋ حاتتامالارىمەن راستالدى، - دەلىنگەن اقپاراتتا.
سوت بارىسىندا ايەل ادام ءوز كىناسىن مويىنداپ، بۇل ىسىنە وكىنەتىندىگىن جەتكىزدى. الايدا ايىپتالۋشىنىڭ ماس كۇيدە بولۋى جازانى اۋىرلاتاتىن ءمان-جاي دەپ تانىلدى.
سوت شەشىمىمەن ايەل 80 ساعاتتىق قوعامدىق جۇمىسقا تارتىلدى. ۇكىم ءالى زاڭدى كۇشىنە ەنگەن جوق.
ەسكە سالساق، ش ق و- دا اليمەنت تولەمەگەن ادام العاش رەت تۇرمەگە قامالدى.