وسكەمەندە ەر ادام وق جاراقاتىنان قايتىس بولدى

ش ق و پوليتسەيلەرى وبلىس ورتالىعىندا وق اتقان ەر ادامدى ۇستادى، دەپ حابارلايدى Kazinform ش ق و پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

13-قاڭتار كۇنى وبلىس ورتالىعىنىڭ «102» ارناسىنا دابىلدى قوڭىراۋ تۇسكەن. قوڭىراۋ شالۋشى كىرەبەرىستەردىڭ ءبىرىنىڭ جانىندا ەر ادامنىڭ قانعا بويالىپ جاتقانىن حابارلاعان. وقيعا ورنىنا كەلگەن بويدا ءمايىت تابىلدى. بولجام بويىنشا ەر ادام وق جاراقاتىنان قايتىس بولعان.

بۇل فاكتىگە دەرەۋ پاترۋلدىك بولىمشەلەر جەدەل دەن قويىپ، 10 مينۋتتىڭ ىشىندە 26 جاستاعى كۇدىكتى ۇستالدى.

«اتالعان فاكتى بويىنشا كىسى ءولتىرۋ (ق ر ق ك 99) بابىمەن سوتقا دەيىنگى تەرگەۋ باستالدى. بولعان وقيعانىڭ بارلىق ءمان-جايى انىقتالىپ جاتىر»، - دەلىنگەن پوليتسيا حابارلاماسىندا.

ق ر ق پ ك-نىڭ 201-بابىنا سايكەس وزگە اقپارات جاريا ەتۋگە جاتپايدى.