وسكەمەندە قازاق ەلىنىڭ ورتاعاسىرلىق كارتاسى كورمەگە قويىلدى

استانا. قازاقپارات - وسكەمەندە رەسپۋبليكا كۇنىنە وراي قازاق مەملەكەتى بەلگىلەنگەن ەۋروپالىق جانە امەريكالىق ورتا عاسىر كارتاسى كورمەگە قويىلدى، دەپ حابارلايدى 24KZ.

بۇل ەكسپوزيتسياعا مۇحيت- ارداگەر سىزدىقنازاروۆتىڭ عىلىمي ەڭبەكتەرى ەندى. اتلاستاردى XVI- XIX عاسىرلاردا ا ق ش، بەلگيا، فرانسيا، يتاليا جانە گەرمانيا كارتوگرافتارى جاساعان. كورمەگە كەلۋشىلەرگە ءبىرقاتار تاريحي قۇندى جادىگەرلەر كورسەتىلدى. كارتوگرافيالىق سۋرەتتەردىڭ اراسىندا ارۋ سۇلتاننىڭ پورترەتى مەن ءومىربايانى بار. 1540-1560 -جىلدار ارالىعىندا ول ساياحاتشى ەنتوني دجەنكينسونمەن بىرگە اعىلشىن پاتشايىمى ەليزاۆەتانىڭ قۇرمەتتى قىزمەتشىسى بولعان.

ەسەنبول باقتىباي ۇلى، ش ق و ونەر مۋزەيى ديرەكتورىنىڭ ورىنباسارى:

- بۇل كارتالار مۇحيت- ارداگەر سىزدىقنازاروۆتىڭ 17 جىل بويى امەريكادا ءجۇرىپ زەرتتەگەن كارتالارىنان قويىلعان. بۇل قازاق مەملەكەتىنىڭ تامىرى - تاۋەلسىزدىكتىڭ العاشقى قاينار باستاۋى دەسەك ارتىق بولمايدى. قازىر ءبىزدىڭ سانامىزدا قازاقستاننىڭ شەكاراسى، تەرريتورياسى كوز الدىمىزدا بولعانىمەن، ونىڭ تاريحى قايدا بولعانى، ونىڭ كەڭدىگى قانشالىقتى بولعانى، كىمدەرمەن شەكارالاس، قاي ەلدەرمەن دەڭگەيلەس بولعانى تۋرالى ۇلكەن، تىڭ اقپارات دەسەك ارتىق بولمايدى.