وسكەمەندە ماس جۇرگىزۋشى گۇلزارعا كىرىپ كەتكەن
21:40, 19 - تامىز 2024
استانا. قازاقپارات - 18-تامىزدا كەشكە 30 جاستاعى شىعىسقازاقستاندىق كولىك قۇرالىن باسقارا الماي، بورديۋرگە سوعىلىپ، گۇلزارعا «تۇراقتاعان»، دەپ حابارلايدى Baq. kz.
وقيعا ورنىنا كەلگەن پوليتسيا قىزمەتكەرلەرى ونىڭ ماساڭ كۇيدە كولىك باسقارعانىن انىقتادى.
قۇقىق بۇزۋشىعا قاتىستى كولىك قۇرالىن ماس كۇيدە باسقارعانى ءۇشىن اكىمشىلىك حاتتاما تولتىرىلدى. جۇرگىزۋشى جيىرما تاۋلىككە اكىمشىلىك قاماۋعا الىنىپ، جەتى جىل مەرزىمگە كولىك قۇرالىن باسقارۋ قۇقىعىنان ايىرىلادى، - دەلىنگەن حابارلامادا.
شىعىس قازاقستان وبلىسىنىڭ پوليتسيا دەپارتامەنتى جول قوزعالىسىنىڭ بارلىق قاتىسۋشىسىن جول قاعيدالارىن قاتاڭ ساقتاۋعا، جولداردا مۇقيات بولۋعا جانە بۇزۋشىلىقتارعا جول بەرمەۋگە شاقىرادى.