وسكەمەندە كوكتايعاقتان ءبىر كۇندە 40 قا جۋىق ادام زارداپ شەكتى

وسكەمەن. KAZINFORM - وسكەمەن قالاسىنداعى اۋرۋحانانىڭ تراۆماتولوگيا بولىمىنە ءبىر كۇندە 87 ادام جۇگىندى. ونىڭ ىشىندە 38 ى كوكتايعاقتا قۇلاپ، جاراقات العان.

قالا تۇرعىندارى تايعاق كوشەلەردە قۇلاپ، قول-اياعى كوگەرىپ نەمەسە سىنىپ دارىگەرلەرگە قارالعان. بۇعان ءبىر كۇن بۇرىن قار ەرىپ، كۇن سۋىتقاندىقتان جەردىڭ كوكتايعاق بولۋى سەبەپ بولىپ وتىر.

- حالىقتى وسىنداي كەزدەردە مەيلىنشە ساق بولۋعا شاقىرامىز. تابانى بۇدىر اياق-كيىم كيىپ جۇرىڭىزدەر. وكشەسى بار اياق كيىمنەن باس تارتىڭىزدار. بۇل جاراقات الۋدىڭ الدىن الادى. اپتالاپ اۋرۋحانادا جاتقاننان گورى ساقتىق شارالارىن ساقتاپ جۇرگەن دۇرىس، - دەيدى وسكەمەن قالالىق №4-اۋرۋحانانىڭ باس دارىگەرى سەرگەي پوپوۆ.

قازىر وبلىستا اۋا رايى قۇبىلمالى بولىپ تۇر. سوندىقتان دارىگەرلەر كوشەدە جۇگىرىپ جۇرمەۋگە، بارىنشا اباي بولۋعا شاقىردى.

ەسكە سالساق، وسىعان دەيىن وسكەمەن قالاسىندا ەكولوگيا جاعدايىن جاقسارتۋ ءۇشىن ارنايى ۇيىم قۇرىلاتىندىعى حابارلانعان.

اۆتور
تالعاتجان مۇحامەتبەك ۇلى