20 - ناۋرىزدان باستاپ قالاداعى مەملەكەتتىك ورگاندار مەن بيۋدجەتتىك ۇيىمداردىڭ جۇمىس ۋاقىتى ساعات 08.00 دەن باستالىپ، 17.30 دا اياقتالۋدا. وسىعان وراي ەل اراسىندا اۆتوبۋستار ءجۇرۋ كەستەسىن وزگەرتە مە دەگەن سۇراق تۋىندادى. بۇل ساۋالعا وسكەمەن اكىمى المات اقىشوۆ جاۋاپ بەردى.
- قوعامدىق كولىكتەر تاڭعى ساعات 06.00 دە قاتىناي باستايدى. سوندىقتان جۇمىس ۋاقىتىنىڭ شەگەرىلۋى اۆتوبۋستاردىڭ ءجۇرۋ كەستەسىنە اسەر ەتپەيدى. دەسە دە قازىر تۋىنداپ وتىرعان ءبىر ماسەلە - تاڭعى قاربالاستاعى كولىك قوزعالىسىنىڭ قارقىندىلىعى. ەگەر بۇرىن 7:30 بەن 8:30 ارالىعىندا كەپتەلىس بولسا، ەندى بۇل ۋاقىت وزگەرۋى مۇمكىن. سول ءۇشىن تاسىمالداۋشىلار جولاۋشىلار اعىنىنا بايلانىستى اۆتوبۋس سانىن ارتتىرىپ وتىرادى، - دەدى اكىم.
ايتا كەتەيىك، ازىرگە قالاداعى مەكتەپ وقۋشىلارىنىڭ ساباقتى ساعات نەشەدەن باستايتىنىنا قاتىستى ناقتى شەشىم شىعارىلعان جوق.
ەسكە سالساق، بۇعان دەيىن وسكەمەندە جۇمىس ۋاقىتى 1 ساعاتقا شەگەرىلگەنى حابارلانعان.