وسكەمەندە ءۇيدىڭ كىرەبەرىسىندە ءولى تابىلعان ەر ادام تانىمال سپورتشى بولىپ شىقتى

وسكەمەندە ءۇيدىڭ كىربەرىسىندە ءولى تابىلعان ەر ادام سپورتشى بولىپ شىقتى، - دەپ حابارلايدى Yk-news.kz سايتى.

باسىلىم مالىمەتىنشە، ەر ادام - جەرگىلىكتى تانىمال سپورتشى ەلەر يۋنۋسمەتوۆ بولىپ شىققان. وسكەمەن تۇرعىنىن 13- قاڭتاردا ءولتىرىپ كەتكەن. وسى سات ۆيدەوعا ءتۇسىپ قالعان. شاقىرۋ بويىنشا جەتكەن پوليتسەيلەر وسكەمەندەگى ۇيلەردىڭ ءبىرىنىڭ كىرەبەرىسىنەن ءمايىتتى تاپتى.

مارقۇم ەر ادام 1990-جىلى قاتون-قاراعاي اۋدانىنداعى ۇلكەن نارىن اۋىلىندا تۋعان.

«ەلەر يۋنۋسمەتوۆ - جەكپە-جەكتەن (م م ا) حالىقارالىق دارەجەدەگى سپورت شەبەرى، كيكبوكسينگتەن سپورت شەبەرى، كۋدودان سپورت شەبەرى، الەم كۋبوگىنىڭ يەگەرى جانە جەكپە-جەكتەن ەۋرازيا چەمپيونى، «كاتۋني شايقاسى» گران-پريىنىڭ يەگەرى (رەسەي فەدەراتسياسى). ول سپورتتاعى العاشقى قادامدارىن 5 جاسىندا باستادى، قابىلەتتى بالانىڭ العاشقى جاتتىقتىرۋشىسى - اكەسى بولدى. ەلەر يۋنۋسمەتوۆتىڭ تۋىستارىنىڭ ايتۋىنشا، سپورتشى تۋعان اۋىلىندا جەرلەنەدى»، - دەپ جازدى باسىلىم.

ەسكە سالايىق، وسكەمەن تۇرعىنىن 13- قاڭتاردا ءولتىرىپ كەتكەن. وسى ءسات ۆيدەوعا ءتۇسىپ قالعان.

ارتىنشا ەر ادامدى اتىپ كەتكەن قارۋدىڭ فوتوسى تارادى.