وسكەمەندە بەلگىلى سپورتشىنى اتىپ كەتكەن ەر ادام 13 جىلعا تۇرمەگە قامالدى
وسكەمەن. KAZINFORM - وسكەمەن قالاسىندا ەرەجەسىز جەكپە-جەكتەن حالىقارالىق دارەجەدەگى سپورت شەبەرى ەلەر يۋنۋسمەتوۆتى اتىپ كەتكەن ەر ادامعا قاتىستى سوت ۇكىمى شىقتى.
وقيعا وسى جىلدىڭ 13-قاڭتارىندا قالاداعى قازاقستان كوشەسىندە بولعان. ش ق و پوليتسيا دەپارتامەنتىنىڭ مالىمەتىنشە، ەلەر يۋنۋسمەتوۆتى بەلگىسىز بىرەۋ پودەز الدىندا شولاق مىلتىقپەن اتىپ كەتكەن. ءتارتىپ ساقشىلارى كوپ ۇزاماي كۇدىكتىنى اباي داڭعىلىندا كەلە جاتقان جەرىنەن ۇستادى.
وسىعان بايلانىستى سوت ءىسى شىعىس قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى.
«ايىپتالۋشى ق ر ق ك- ءنىڭ 99-بابىمەن (ادام ءولتىرۋ) كىنالى دەپ تانىلىپ، 13 جىلعا باس بوستاندىعىنان ايىرىلدى. سونداي-اق قىلمىس تۋرالى قۇقىق قورعاۋ ورگاندارىنا حابارلاماعان تاعى ءبىر سوتتالۋشى 3 جىل مەرزىمگە باس بوستاندىعىن شەكتەلدى. ۇكىم ءالى زاڭدى كۇشىنە ەنگەن جوق»، - دەپ حابارلادى سوتتىڭ باسپا ءسوز قىزمەتى.
اۆتور
تالعاتجان مۇحامەتبەك ۇلى