وسكەمەندە اۆتوبۋستارعا كامەرا ورناتىلماق

فوتو: فوتو: freepik

وسكەمەن. KAZINFORM - وسكەمەن قالاسىندا اۆتوبۋستارداعى قاۋىپسىزدىكتى قامتاماسىز ەتۋ ءۇشىن بەينەباقىلاۋ كامەرالارى ورناتىلادى.

قازىرگى ۋاقىتتا بۇل باعىتتاعى جۇمىستار باستالىپ كەتكەن. بىرنەشە اۆتوبۋسقا كامەرا ورناتىلىپ قويدى. بۇل كامەرالار شىعىس قازاقستان وبلىسى پوليتسيا دەپارتامەنتى جەدەل باسقارۋ ورتالىعىنىڭ جۇيەسىمەن بىرىكتىرىلمەك.

وسىلايشا، ۇرلىق، توبەلەس سىندى قىلمىس جاسالعان جاعدايدا پوليتسەيلەر بىردەن كامەرالاردىڭ جازباسىنا قاراي الادى. بۇل تۋرالى وبلىس اكىمى نۇرىمبەت ساقتاعانوۆ «ONAY» حالىققا قىزمەت كورسەتۋ ورتالىعىنىڭ اشىلۋ سالتاناتىندا ءمالىم ەتتى.

- كامەرالار قالاداعى اۆتوبۋستارعا ورناتىلادى. وسىلايشا، ءتارتىپ ساقشىلارى قۇقىق بۇزۋشىلىقتارعا جەدەل دەن قويىپ، قوعامدىق كولىكتەگى قاۋىپسىزدىك دەڭگەيى ارتادى، - دەدى ول.

ەسكە سالساق، بۇعان دەيىن وسكەمەندە جۇمىس ۋاقىتىنىڭ ءبىر ساعاتقا كەرى شەگەرىلۋى قوعامدىق كولىكتەردىڭ ءجۇرۋ كەستەسىنە وزگەرىس اكەلمەيتىندىگىن جازعانبىز.

اۆتور

تالعاتجان مۇحامەتبەك ۇلى