الىپ بالانىڭ كىندىگى قالاداعى انا مەن بالا ورتالىعىندا كەسىلدى. اناسى اينۇر اڭعىبايەۆانى جۇكتىلىكتىڭ بارلىق كەزەڭىندە ايەلدەر كونسۋلتاتسياسى مەن بوساندىرۋ بولىمشەسىنىڭ ماماندارى باقىلاپ وتىرعان.
شاقالاقتىڭ سالماعى - 5035. بۇل سيرەك كەزدەسەتىن جاعداي. بالانىڭ دەنى ساۋ. اناسى كەسار تىلىگى ارقىلى بوساندى.
- اينۇردىڭ بۇل ەكىنشى بالاسى. تۇڭعىشىن 2022-جىلى تۋعان. ول دا الىپ بالا بولدى. سالماعى - 5058 كەلى. وسىنداي نارەستەنى بوساندىرۋ - بۇل ءاردايىم دارىگەرلەر تاراپىنان جوعارى باقىلاۋ مەن كاسىبيلىكتى تالاپ ەتەدى. بۇل جاعدايدا اق حالاتتىلاردىڭ ۇيلەسىمدى جۇمىسىنىڭ جانە انانىڭ زور رۋحىنىڭ ارقاسىندا ءبارى ويداعىداي ءوتتى، - دەيدى بوساندىرۋ ءبولىمىنىڭ مەڭگەرۋشىسى سالتانات سەرىكقان قىزى.
قازىر انا مەن بالانىڭ جاعداي جاقسى.
- بارلىق مەديتسينا قىزمەتكەرلەرىنە ۇلكەن العىسىمدى بىلدىرگىم كەلەدى. دەنى ساۋ باتىر دۇنيەگە كەلدى. قۋانىشىمدا شەك جوق!، - دەيدى اينۇر اڭعىبايەۆا.
ەسكە سالساق، بۇعان دەيىن تارباعاتايدا الىپ قىز بالا دۇنيەگە كەلگەن بولاتىن.