وسكەمەن ىرگەسىندەگى ساياجايدان ايەلدىڭ ءمايىتى تابىلدى

وسكەمەن. KAZINFORM -وسكەمەن قالاسىنىڭ ىرگەسىندەگى ساياجايدان ايەل ادامنىڭ ءمايىتى تابىلدى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ساياجايلاردىڭ ءبىرىنىڭ شەتىنەن 45-50 جاس ارالىعىنداعى بەلگىسىز ايەلدىڭ ءمايىتى تابىلدى. قازىرگى ۋاقىتتا ونىڭ كىم ەكەندىگى انىقتالىپ جاتىر.

«ايەل ادامنىڭ دەنەسىنەن كوزگە كورىنەتىن جاراقاتتار بايقالعان. ق ر قىلمىستىق كودەكسىنىڭ 99-بابىنا (ادام ءولتىرۋ) سايكەس قىلمىستىق ءىس قوزعالدى. ءتيىستى ساراپتامالار تاعايىندالعان»، - دەپ حابارلادى ۆەدومستۆو وكىلدەرى.

مارقۇمدى ولتىرگەن كۇدىكتىنىڭ كىم ەكەندىگى ازىرگە بەلگىسىز.