وسكەمەن حالقىنىڭ اۋا ساپاسىنا قاتىستى شاعىمى: ەكولوگتار تەكسەرۋ جۇرگىزدى
وسكەمەن. KAZINFORM - بۇگىن وسكەمەن قالاسىنىڭ تۇرعىندارى اۋا ساپاسىنىڭ كۇرت ناشارلاپ كەتكەنىنە شاعىمدانعان. سوعان وراي ەكولوگتار تەكسەرۋ جۇرگىزدى.
ش ق و ەكولوگيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ماماندار الەۋمەتتىك جەلىدە تاراعان ۆيدەولارعا شولۋ جاساپ، حالىق اۋا ساپاسى لاستاندى دەگەن جەرلەرگە باردى.
«ولار اۋا ساپاسىنا اسپاپتىق زەرتتەۋلەر جۇرگىزدى. گاگارين بۋلۆارىندا ازوت ديوكسيدى مەن فورمالدەگيد دەڭگەيى گاز اناليزاتورىنىڭ كومەگىمەن ولشەندى. ولشەۋ ناتيجەلەرى بويىنشا گاگارين بۋلۆارى كوشەسى، 9 ءۇي مەكەنجايىندا حلورسۋتەگىنىڭ شەكتى رۇقسات ەتىلگەن كونسەنتراتسياسىنان اسىپ كەتۋى تىركەلدى. باسقا لاستاۋشى زاتتار بويىنشا شەكتى رۇقسات ەتىلگەن كونتسەنتراتسيادان اسىپ كەتۋ دەرەگى انىقتالعان جوق»، - دەلىنگەن اقپاراتتا.
ەكولوگيا دەپارتامەنتى جاعدايدى زەردەلەپ، جەلدىڭ باعىتىن، اۋدانداعى كاسىپورىنداردىڭ جۇمىسىن جانە ىقتيمال لاستانۋ كوزدەرىن انىقتاپ جاتىر. سونىڭ ناتيجەلەرى بويىنشا اۋانى لاستاۋى مۇمكىن دەگەن كاسىپورىنعا قاتىستى تەكسەرۋ باستالادى.
ەسكە سالساق، وسىعان دەيىن وسكەمەن تۇرعىندارى اۋا ساپاسىنىڭ كۇرت ناشارلاعانىنا شاعىمدانعانىن حابارلاعان ەدىك.
اۆتور
تالعاتجان مۇحامەتبەك ۇلى