وسى جىلدىڭ كوكتەمىنەن بەرى ءيت قاپقان ادامدار سانى ازايماي وتىر. قالالىق تراۆماتولوگيالىق پۋنكتتىڭ مالىمەتىنشە، مەديتسينالىق كومەككە جۇگىنگەندەر سانى ءساۋىر، مامىر ايلارىندا جانە كۇزدىڭ ورتاسىندا ارتقان.
قىركۇيەك ايىنىڭ وزىندە دارىگەرلەر ءيت قاپقان 93 ادامدى تىركەدى. ال قازاننىڭ ورتاسىنا دەيىن مەديتسينالىق مەكەمەگە تاعى 53 ادام جۇگىنگەن.
دەسە دە قازىرگى ۋاقىتتا وسكەمەندە قاراۋسىز جۇرگەن جانۋارلاردى تۇراقتى تۇردە اۋلاۋ جۇمىستارى جۇرگىزىلمەي وتىر. قالا اكىمدىگىنىڭ مالىمەتىنشە، بۇل قىزمەت مەردىگەر ۇيىم انىقتالعاننان كەيىن عانا ىسكە كىرىسەدى.
- قازىرگى ۋاقىتتا قاراۋسىز جۇرگەن جانۋارلاردى اۋلاۋمەن اينالىساتىن مەردىگەر ۇيىمدى انىقتاۋ بويىنشا كونكۋرستىق راسىمدەر ءالى جالعاسىپ جاتىر. كونكۋرس اياقتالىپ، ءتيىستى كەلىسىمشارت جاسالعاننان كەيىن مەردىگەر قالا اۋماعىندا جۇمىستاردى دەرەۋ باستايدى، - دەپ حابارلادى وسكەمەن قالاسىنىڭ تۇرعىن ءۇي- كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى بولىمىنەن.