استانا. KAZINFORM - ۋكراينا ارمياسىنىڭ رەسەيلىك مۇناي وڭدەۋ زاۋىتتارىنا قارۋلى سوققىسى كاسپي قۇبىر كونسورتسيۋمىنىڭ بۇعاتتالۋىنا الىپ كەلمەي مە؟ بۇل ساۋالعا ەنەرگەتيكا ءمينيسترى الماسادام ساتقاليەۆ جاۋاپ بەردى.
ايتا كەتەرلىگى، كاسپي قۇبىر كونسورتسيۋمى ارقىلى قازاقستان مۇناي سىرتقى نارىققا جەتكىزىلەدى.
«حالىقارالىق تۇتىنۋشىلار، ونىڭ ىشىندە ەۋروپالىقتار دا اتالعان قۇبىردىڭ تۇراقتى جۇمىس ىستەگەندىگىنە مۇددەلى ەكەنى تۇسىنىكتى. ءبىز ەۋروپالىق مەملەكەتتەردىڭ ەلشىلىكتەرىمەن، رەسەي فەدەراتسياسىنداعى ارىپتەستەرىمىزبەن كاسپي قۇبىر كونسروتسيۋمىنىڭ تۇراقتى جۇمىسىن قامتاماسىز ەتۋ ءۇشىن بايلانىسىپ وتىرمىز. ديپلوماتيالىق ارنالار ارقىلى مۇنداي كەڭەستەر ۋكراينا تاراپىمەن دە جۇرگىزىلىپ جاتىر»، - دەپ اتاپ ءوتتى الماسادام ساتقاليەۆ ۇكىمەت وتىرىسىنان كەيىنگى بريفينگتە.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.