ورىن تاپشى: الماتىدا جاتاقحانا پروبلەماسى قالاي شەشىلمەك

الماتى. KAZINFORM - الماتىدا 30 مىڭعا جۋىق ستۋدەنتكە جاتىن ورىن قاجەت. بۇل تۋرالى باسپا ءسوز ءماسليحاتىندا قالالىق جاستار ساياساتى باسقارماسى باسشىسىنىڭ مىندەتىن اتقارۋشى ازيز قاجدەنبەك ءمالىم ەتتى.

سپيكەردىڭ سوزىنشە، الماتى قالاسىندا 35 جوعارى وقۋ ورنى بار، وندا 199 مىڭنان استام ستۋدەنت ءبىلىم الادى، ونىڭ 124 مىڭى باسقا قالالاردان كەلگەن. بۇل رەتتە، توسەك-ورىن تاپشىلىعى 28700.

«جول كارتاسى اياسىندا 2025 -جىلدىڭ سوڭىنا دەيىن 12 مىڭ توسەك-ورىن، ال 2030 -جىلدىڭ اياعىنا قاراي تاعى 20 مىڭ توسەك-ورىن قۇرۋ جوسپارلانعان، بۇل جاتاقحانا تاپشىلىعى ماسەلەسىن تولىعىمەن شەشۋگە مۇمكىندىك بەرەدى»، - دەدى ازيز قاجدەنبەك.

جاتاقحانا قۇرىلىسىن ءتيىمدى ۇيلەستىرۋ ءۇشىن 2023 -جىلدىڭ ناۋرىز ايىندا جوبالىق كەڭسە ىسكە قوسىلدى.

وسى ۋاقىتقا دەيىن جوبالىق كەڭسەگە 120 الەۋەتتى ينۆەستور جۇگىنگەن.

«مەملەكەت باسشىسىنىڭ تاپسىرماسى بويىنشا الماتى جانە استانا قالالارىنداعى ستۋدەنتتىك جاتاقحانالارعا ارنالعان عيماراتتاردى قايتا جاڭارتۋ كەزىندە مەملەكەتتىك تاپسىرىستىڭ كولەمىن جىلىنا ءبىر توسەك-ورىن ءۇشىن 92 ا ە ك-تەن 184 ا ە ك-كە دەيىن 6 جىل ىشىندە ۇلعايتۋ جۇمىستارى جۇرگىزىلىپ جاتىر. 2024 -جىلى 5752 توسەك-ورىنعا ارنالعان 11 نىساندى پايدالانۋعا بەرۋ كوزدەلگەن. ونىڭ ىشىندە 1200 توسەك-ورىنعا ارنالعان 4 نىسان تامىز ايىندا ىسكە قوسىلادى»، - دەدى ول.

اۆتور
الما مۇقانوۆا