ورتەنگەن فەرروقورىتپا زاۋىتىنداعىلار قۇتقارۋشىلاردى كىرگىزبەۋگە تىرىسىپ باقتى - ت ج م

استانا. KAZINFORM - توتەنشە جاعدايلار ۆيتسە- ءمينيسترى باۋىرجان سىزدىقوۆ فەرروقورىتپا زاۋىتىنداعى اپات تۋرالى حابار قۇتقارۋشىلارعا 2 ساعاتتان كەيىن عانا تۇسكەنىن ءمالىم ەتتى.

«قاراعاندى فەرروقورىتپا زاۋىتىنداعى اپات تۋرالى مالىمەت توتەنشە جاعدايلار مينيسترلىگىنە قاي ۋاقىتتا ءتۇستى؟» دەپ سۇرادى ب ا ق وكىلى ۇكىمەت وتىرىسىنان كەيىن وتكەن باسپا ءسوز ءماسليحاتىندا.

ۆيتسە- مينيستر زاۋىتتاعىلار اپات تۋرالى حاباردى 2 ساعات كەشىكتىرىپ بەرگەنىن ايتادى.

«بۇل جەردە نەگىزى وقيعا تاڭعى ساعات 4:10 كەزىندە بولعان. ءبىراق، وكىنىشكە قاراي، ول حابار بىزگە 6-دان 8 مينۋت كەتكەندە تۇسكەن. دەمەك، بىلاي ايتقاندا، 2 ساعاتتان كەيىن ءتۇسىپ وتىر. ول ءبىزدىڭ ازاماتتىق قورعاۋ سالاسىنداعى زاڭناماعا قايشى كەلەدى. ءبىزدىڭ كۇش-قۇرالدار ول جەرگە ساناۋلى مينۋتتاردا جەتتى. ءبىراق، وكىنىشكە قاراي، سول مەكەمەنىڭ قىزمەتكەرلەرى ءبىزدىڭ قۇتقارۋشىلاردى ول جەرگە كىرگىزبەۋگە تىرىسقان. سوندىقتان ولارعا قازىر اكىمشىلىك شارا قولدانىلىپ جاتىر، اكىمشىلىك ءىس قوزعالدى. بۇل جەردە ايتا كەتەتىن نارسە، قازاقستان اۋماعىندا ورنالاسقان مەكەمەلەردىڭ ءبارى توتەنشە جاعداي بولعان كەزدە ءوزىنىڭ اۋماعىنا قۇتقارۋ كۇش-قۇرالدارىن كىرگىزۋگە مىندەتتى. سوندىقتان ول مەكەمەگە 200 ايلىق ەسەپتىك كورسەتكىش كولەمىندە ايىپپۇل سالىنادى. قازىر ءىس سوتقا ءوتتى»، - دەدى باۋىرجان سىزدىقوۆ.

اۆتور

ەسىمجان ناقتىباي