2026 -جىلدىڭ 10 ايىندا تەمىرجول كولىگىمەن 12,1 ميلليون توننا استىق تاسىمالداندى. بۇل وتكەن جىلدىڭ سايكەس كەزەڭىندەگى كورسەتكىشتەن %9- عا جوعارى. بىلتىر تاسىمالداۋ كولەمى 11,2 ميلليون توننا.
ەسەپتى كەزەڭدە ەكسپورتتىق تاسىمال كولەمى 9,4 ميلليون تونناعا جەتىپ، 2025 -جىلدىڭ سايكەس كەزەڭىمەن سالىستىرعاندا %11- عا ارتتى (8,5 ميلليون توننا).
ەكسپورتتىڭ نەگىزگى كولەمى ورتالىق ازيا ەلدەرىنە تيەسىلى - 6,2 ميلليون توننا. بۇل وتكەن جىلعى كورسەتكىشتەن %27- عا جوعارى. ونىڭ ىشىندە وزبەكستانعا 4,6 ميلليون توننا (%35+)، تاجىكستانعا - 1,3 ميلليون توننا (%18+) استىق جونەلتىلدى.
اۋعانستانعا 855 مىڭ توننا استىق تاسىمالداندى، بۇل وتكەن جىلعى كورسەتكىشتەن 3,4 ەسە كوپ. قىتايعا تاسىمال كولەمى %65- عا ارتىپ، 935 مىڭ توننا.
قازىرگى ۋاقىتتا جاڭا ەگىن استىعىن تاسىمالداۋ جۇمىستارى جالعاسۋدا. قازان ايىندا تەمىرجول كولىگىمەن 1,4 ميلليون توننا استىق تاسىمالداندى.
ۇزدىكسىز تاسىمالداۋدى قامتاماسىز ەتۋ ءۇشىن جىلجىمالى قۇرامنىڭ جەتكىلىكتى پاركى بار. قازىرگى ۋاقىتتا 16,9 مىڭ استىق تاسىعىش، 17,8 مىڭ جابىق ۆاگون جانە 2 مىڭنان استام لوكوموتيۆ بار. قولدا بار رەسۋرستار استىقتى تولىق كولەمدە تاسىمالداۋعا جەتكىلىكتى. قاجەت بولعان جاعدايدا تاسىمالداۋ كولەمىن ۇلعايتۋ ءۇشىن قوسىمشا مۇمكىندىكتەر قاراستىرىلعان.
جاڭا ەگىن استىعىن تۇراقتى ءارى ۋاقتىلى جەتكىزۋدى قامتاماسىز ەتۋ ماقساتىندا قازاقستان رەسپۋبليكاسى كولىك مينيسترلىگى تەمىرجول تاسىمالدارىن ۇيىمداستىرۋ جانە ۇيلەستىرۋ جونىندەگى استىق شتابىن قۇردى. شتاب تاسىمالداۋ پروتسەسىنە قاتىسۋشىلاردىڭ ءوزارا ءىس- قيمىلىن قامتاماسىز ەتىپ، تەمىرجول ينفراقۇرىلىمى مەن جىلجىمالى قۇرامنىڭ دايىندىعىنا مونيتورينگ جۇرگىزەدى، سونداي-اق تۋىنداعان ماسەلەلەردى جەدەل شەشۋ بويىنشا جۇمىستى ۇيلەستىرەدى.
ايتا كەتەلىك قازاقستاندىق استىققا شەتەل سۇرانىسى ارتىپ كەلەتىنى تۋرالى جازعان ەدىك.