استانا. KAZINFORM - قاسىم-جومارت توقايەۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسۋ ءۇشىن استاناعا ارنايى كەلگەن وزبەكستان، قىرعىزستان، تاجىكستان جانە ازەربايجان پرەزيدەنتتەرىمەن بىرگە مارتەبەلى مەيمانداردىڭ قۇرمەتىنە ۇيىمداستىرىلعان «دوستىق كەشى» گالا- كونسەرتىن تاماشالادى، دەپ حابارلايدى اقوردانىڭ باسپا ءسوز قىزمەتى.
مەملەكەتتەر باسشىلارى «استانا وپەرا» ۆەستيبيۋلىندە «شىعارماشىلىق جاڭعىرىعى» كورمەسىمەن تانىستى. كورمەگە تانىمال قازاقستاندىق سۋرەتشىلەردىڭ تۋىندىلارى جانە ورتالىق ازيا ەلدەرى بەينەلەۋ ونەرى شەبەرلەرىنىڭ ەڭبەكتەرى قويىلعان.
ورتالىق ازيا ەلدەرى مەن ازەربايجاننىڭ مەملەكەت باسشىلارى «دوستىق كەشى» گالا- كونسەرتىن تاماشالادى
Photo: Akordaكونسەرتتىك باعدارلاما اياسىندا قازاق، وزبەك، قىرعىز، تاجىك، ازەربايجان حالىقتارىنىڭ اندەرى مەن بيلەرى ورىندالدى. سونداي- اق كورەرمەندەردىڭ نازارىنا ۇلتتىق مۋزىكالىق اسپاپتار ءانسامبلىنىڭ سۇيەمەلدەۋىمەن «دوستىق» ديۆەرتيسمەنتى ۇسىنىلدى.
Photo: AkordaФото: АқордаPhoto: Akorda
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.