بۇعان دالەل حالىقارالىق ۆاليۋتا قورى مەن دۇنيەجۇزىلىك بانك دەرەكتەرى نەگىزىندە جاسالعان جيىنتىق باعالاۋلار دەپ حابارلايدى Finance.kz.
ساراپشىلاردىڭ ايتۋىنشا، ءوڭىردىڭ ءبىرقاتار ەلدەرىندە قىتاي نەسيەلەرى ينفراقۇرىلىمدى دامىتۋعا، ياعني ەنەرگەتيكا، جول جانە ترانسپورتتىق جوبالارىنا باعىتتالعان. بۇل رەتتە قىتاي كوبىنە تەك قۇرىلىسقا عانا ەمەس، نىسانداردى پايدالانۋعا بەرۋ مەن قىزمەت كورسەتۋگە دە ينۆەستيتسيا سالاتىن جۇيەلى ينۆەستور رەتىندە كورىنەدى.
ورتالىق ازيا ەلدەرىنىڭ سىرتقى قارىز قۇرىلىمىنداعى قىتاي كاپيتالىنىڭ ۇلەسى ءارتۇرلى. اتاپ ايتقاندا:
قىرعىزستان - 30,5 پايىز
تاجىكستان - 16,1 پايىز
تۇرىكمەنستان - 13,4 پايىز
وزبەكستان - 7,5 پايىز
قازاقستان - 3,6 پايىز
سونىمەن قاتار قازاقستان قارىز الۋدىڭ نەعۇرلىم ءارتاراپتاندىرىلعان قۇرىلىمىن كورسەتىپ وتىر. ماقالا اۆتورىنىڭ مالىمەتىنشە، قازاقستان قىتاي كاپيتالىنا ايتارلىقتاي تاۋەلدى ەمەس.
قىتاي قارىزى ۇلەسىنىڭ سالىستىرمالى تۇردە تومەن بولۋى سىرتقى مىندەتتەمەلەردى باسقارۋدا ۇلكەن يكەمدىلىكتى ساقتاۋعا جانە تاۋەلدىلىك تاۋەكەلدەرىن ازايتۋعا مۇمكىندىك بەرەدى. سونداي-اق ماتەريالدا قازاقستانداعى قىتاي كاپيتالى ءارتۇرلى جوبالارعا ءبولىنىپ، ەكونوميكانىڭ ستراتەگيالىق سالالارىندا شوعىرلانباعانى اتاپ وتىلەدى.
بۇعان دەيىن قازاقستان الەمدىك ەكونوميكالىق كەڭىستىكتەگى بەدەلىن ايتارلىقتاي نىعايتىپ كەلەدى. حالىقارالىق ساراپتامالار قورىتىندىسى بويىنشا، ەلىمىز ساتىپ الۋ قابىلەتىنىڭ تەپە-تەڭدىگىنە نەگىزدەلگەن ج ءى ءو كولەمى بويىنشا 36-ورىنعا تۇراقتاعانىن جازعانبىز.