- «قازاۆتوجول» ۇ ك» ا ق باقىلاۋ جۇيەسىن كەڭەيتىپ، وعان جاڭا باعىتتاردى قوسادى. وسى ورايدا ورتاشا جىلدامدىق باقىلاناتىن اقىلى جول بولىكتەرىنىڭ سانى 11 دەن 15 كە دەيىن ارتادى. بۇگىننەن باستاپ ورتاشا جىلدامدىق مىنا باعىتتاردا باقىلانادى: ورال – ر ف شەكاراسى (سامارا)، اقتوبە – ر ف شەكاراسى (ورىنبور)، قوستاناي - دەنيسوۆكا، قاندىاعاش - ماقات. اتالعان جولداردا باقىلاۋ قۇرىلعىلارى ورناتىلعان اركالاردىڭ اراقاشىقتىعى ولشەنىپ، اپپاراتتىق-باعدارلامالىق كەشەندەر سەرتيفيكاتتاۋدان ءوتتى. جۇيە ورتاشا جىلدامدىقتى اسىرۋ دەرەكتەرىن تىركەپ، ءتيىستى مالىمەتتەردى اكىمشىلىك ءىس جۇرگىزۋدىڭ ءبىرىڭعاي ءتىزىلىمىنىڭ (ا ءى ج ب ت) پروتسەسسينگ ورتالىعىنا جولدايدى، - دەپ اتالىپ وتكەن كومپانيا اقپاراتىندا.
ەسكە سالساق، قازاقستاننىڭ رەسپۋبليكالىق اۆتوجولدارىندا ورتاشا جىلدامدىقتى باقىلاۋ جۇيەسى 2025-جىلعى 17-ناۋرىزدان بەرى جۇمىس ىستەپ كەلەدى. وسى ۋاقىتقا دەيىن جالپى ۇزىندىعى 3 مىڭ شاقىرىمعا جۋىق 11 اقىلى جول بولىگىندە باقىلاۋ جۇرگىزىلىپ وتىر.
ولار: استانا - شۋچينسك؛ استانا - پاۆلودار؛ استانا - تەمىرتاۋ؛ شىمكەنت - قىزىلوردا؛ شىمكەنت - تاراز؛ پاۆلودار - سەمەي - قالباتاۋ؛ ورال – ر ف شەكاراسى (ساراتوۆ)؛ پاۆلودار – ر ف شەكاراسى (ومبى)؛ الماتى - قورعاس؛ كوكشەتاۋ - پەتروپاۆل؛ اقتوبە - قاندىاعاش.
جىلدامدىق ءتارتىبىن بۇزۋدىڭ 700 مىڭنان استام دەرەگى تىركەلدى
2026-جىلدىڭ باسىنان بەرى رەسپۋبليكالىق اۆتوجولداردا ورتاشا جىلدامدىقتى اسىرۋدىڭ 550 مىڭ، ال بەلگىلەنگەن نۇكتەدەگى جىلدامدىقتى اسىرۋدىڭ 163,5 مىڭ دەرەگى تىركەلگەن. جالپى جىلدامدىقتى اسىرۋعا قاتىستى 713 مىڭنان استام قۇقىق بۇزۋ دەرەگى انىقتالدى.
جول بويىنداعى كامەرالار اۆتوكولىكتىڭ باقىلاۋ اركالارىنان وتكەن ۋاقىتىن تىركەيدى. جۇيە وسى ۋاقىت پەن ەكى اركانىڭ اراقاشىقتىعىن ەسەپتەپ، كولىكتىڭ ورتاشا جىلدامدىعىن انىقتايدى. سوندىقتان كامەراعا جاقىنداعاندا عانا جىلدامدىقتى تومەندەتۋ جۇرگىزۋشىنى جاۋاپكەرشىلىكتەن بوساتپايدى. ەگەر كولىك باقىلاۋداعى جول بولىگىن رۇقسات ەتىلگەن ورتاشا جىلدامدىقتان اسىرىپ وتسە، جىلدامدىق ەرەجەسىن بۇزۋ دەرەگى تىركەلەدى.
- باقىلاۋ جۇيەسىن كەڭەيتۋدەگى باستى ماقسات - جول قوزعالىسىنىڭ قاۋىپسىزدىگىن ارتتىرۋ، جۇرگىزۋشىلەردىڭ جىلدامدىقتى شامادان تىس اسىرۋىنىڭ الدىن الۋ جانە جول-كولىك وقيعالارىنىڭ قاۋپىن ازايتۋ. «قازاۆتوجول» ۇ ك» ا ق ءۇشىن بۇل تەحنولوگيانى ەنگىزۋدەگى نەگىزگى مىندەت - ايىپپۇل سانىن كوبەيتۋ ەمەس، جۇرگىزۋشىلەردىڭ جولداعى جاۋاپكەرشىلىگىن ارتتىرىپ، رەسپۋبليكالىق اۆتوجولداردا قاۋىپسىز قوزعالىستى قامتاماسىز ەتۋ، - دەلىنگەن اتالعان كومپانيانىڭ مالىمەتىندە.
ايتا كەتەيىك، جاقىندا ىشكى ىستەر ءمينيسترى ەرجان سادەنوۆ رەسپۋبليكالىق جولداردا ورتاشا جىلدامدىقتى باقىلاۋ جۇيەسى 16 ۋچاسكەدە ورناتىلاتىنىن ءمالىم ەتتى.
رەسپۋبليكالىق تراسسالاردا ورتاشا جىلدامدىقتى باقىلاۋ جۇيەسى ورناتىلعان ۋچاسكەلەردە جول-كولىك وقيعالارى سانى 10 پايىزعا، قازا تاپقاندار 33 پايىزعا، جاراقات العاندار 12 پايىزعا ازايدى.
- بۇگىندە بۇل جۇيە ۇزىندىعى 2800 شاقىرىمدى قۇرايتىن 12 ۋچاسكەدە بار. جىل سوڭىنا دەيىن كولىك مينيسترلىگىمەن بىرگە تاعى 16 ۋچاسكەدە ورناتامىز. وسىلايشا، ورتاشا جىلدامدىقتى ولشەيتىن قۇرالدار بارلىعى 5600 شاقىرىم بولاتىن 28 ۋچاسكەدە جىل اياعىنا دەيىن ورناتىلاتىن بولادى. كەلەسى جىلدان باستاپ بۇل جۇمىستى ءارى قاراي جالعاستىرامىز، - دەدى ەرجان سادەنوۆ.
سونىمەن قاتار ىشكى ىستەر ءمينيسترىنىڭ ورىنباسارى يگور لەپەحا ەلىمىزدىڭ جولدارىنداعى قاۋىپسىزدىكتى قاداعالايتىن دروندارعا قاتىستى تۇسىنىك بەرگەن ەدى.
- بۇل رەتتە اۆتوپاركىمىز دە ءوسىپ كەلەدى. قازىرگى تاڭدا بىزدە 6 ميلليون 100 مىڭ كولىك بار. سوڭعى بەس جىلدا ولاردىڭ سانى 1 ميلليوننان استامعا ارتتى. حالىقارالىق كولىك اعىنى دا ايتارلىقتاي ءوستى، - دەدى مينيستر ورىنباسارى.
قازىرگى ۋاقىتتا «قازاۆتوجول» كامەرالاردى ءىس جۇزىندە ءاربىر شاقىرىم سايىن ورناتىپ جاتىر. دەمەك، كامەرالار جولداعى جاعدايدى ءىس جۇزىندە ءار شاقىرىم سايىن باقىلاپ وتىرادى. مۇنان بولەك، 500 موبيلدى كەشەن بار. ولار جىلدامدىقتى ولشەيدى جانە جول قوزعالىسى ەرەجەلەرىن بۇزۋدىڭ باسقا دا دەرەكتەرىن انىقتايدى.
- كولىكپەن كەلە جاتقاندا الدىڭىزدان وسىنداي كەشەنى بار كولىك كەزدەسۋى مۇمكىن. ول توقتاتپايدى، ءبىراق ءسىز جاساعان قۇقىق بۇزۋ فاكتىسىن تىركەيدى. جولداردا درونداردى قولدانا باستادىق. قازىرگى كەزدە جولداردا شامامەن 300 درون پايدالانىلادى. ول قارسى جولاققا شىعۋ، باسقا كولىكتىڭ الدىنان كەسىپ ءوتۋ، باسىپ وزۋ جانە باسقا دا وسىنداي دەرەكتەردى انىقتاۋعا مۇمكىندىك بەرەدى، - دەدى يگور لەپەحا.