ورتا ءدالىز جوباسى بويىنشا بىرلەسە جۇمىس ىستەۋگە دايىنبىز - فرەنك برۋنو

نيۋ- يورك. قازاقپارات - Cerberus Capital Management كومپانياسىنىڭ باس اتقارۋشى ديرەكتورى فرەنك برۋنو مەملەكەت باسشىسىمەن كەزدەسكەندە ورتا ءدالىز جوباسى بويىنشا بىرلەسە جۇمىس ىستەۋگە دايىن ەكەنىن ايتتى.

- بۇگىن پرەزيدەنتپەن جانە ونىڭ كومانداسىمەن وتە جەمىستى كەزدەسۋ وتكىزدىك. ول بىزگە قازاقستان ەكونوميكاسىنا قاتىستى كوزقاراسىن جەتكىزىپ، ادىلەتتى قازاقستان تۇجىرىمداماسى تۋرالى ايتتى. سونىمەن قاتار پرەزيدەنت جاساندى ينتەلەكت، اتوم ەنەرگەتيكاسى جانە ەل ەكونوميكاسىن ودان ءارى جانداندىرۋ جايىنداعى ويىمەن ءبولىستى. Cerberus كومپانياسىنىڭ بۇل سالادا تاجىريبەسى مول. وسىعان وراي ورتا ءدالىز جوباسى بويىنشا بىرلەسە جۇمىس ىستەۋدى ۇسىنامىز. سونداي-اق ەنەرگەتيكا، ترانزيت، تەلەكوممۋنيكاتسيا، جاساندى ينتەللەكت جانە باسقا دا ماڭىزدى سالالارعا باسىمدىق بەرەمىز. بۇل قادامدار قازاقستاننىڭ ەكونوميكاسىنا جانە حالىقتىڭ ءال اۋقاتىن ارتتىرۋعا سەپتىگىن تيگىزەدى، - دەدى Cerberus Capital Management كومپانياسىنىڭ باس اتقارۋشى ديرەكتورى فرەنك برۋنو.

ايتا كەتەلىك مەملەكەت باسشىسى Cerberus Capital Management كومپانياسىنىڭ باس اتقارۋشى ديرەكتورى فرەنك برۋنونى قابىلداعان ەدى.