دارىگەردىڭ سوزىنشە، بەلسەندى ءومىر سالتىن ۇستانىپ، اپتاسىنا كەمىندە بىرنەشە رەت سپورتپەن شۇعىلدانۋ گەموررويدىڭ پايدا بولۋ قاۋپىن ازايتادى.
«جاياۋ ءجۇرۋ مەن ءجۇزۋ سياقتى اەروبتى جاتتىعۋلار - گەموررويدىڭ الدىن الۋدىڭ ەڭ ءتيىمدى تاسىلدەرىنىڭ ءبىرى»، - دەدى پروكتولوگ.
سونداي-اق، مامان دۇرىس تاماقتانۋدىڭ ماڭىزىن اتاپ ءوتتى. ونىڭ ايتۋىنشا، كۇندەلىكتى اس مازىرىندە جاسۇنىققا باي تاعامدار جەتكىلىكتى بولۋى كەرەك. بۇل ءىش قاتۋدىڭ الدىن الۋعا كومەكتەسەدى.
بۇدان بولەك، دارىگەر دارەتحانادا ۇزاق وتىرماۋعا جانە ۇلكەن دارەتكە بارعىسى كەلگەندە ونى ۇزاق ۋاقىت ۇستاپ جۇرمەۋگە كەڭەس بەردى.
«ۇلكەن دارەتكە وتىرعىڭىز كەلسە، شىداپ جۇرمەڭىز. دارەتحاناعا دەر كەزىندە بارعان دۇرىس»، - دەپ ەسكەرتتى ۆيتيازيەۆا.
مامان گەموررويعا ءتان قانداي دا ءبىر مازاسىزدىق تۋدىراتىن بەلگى بايقالسا، ءوز بەتىنشە ەمدەلمەي، دارىگەرگە قارالۋعا شاقىردى.