ورمان جانە دالا ورتتەرى قاۋپى - مينيسترلىك ەسكەرتۋ جاسادى
استانا. KAZINFORM - توتەنشە جاعدايلار مينيسترلىگى ەلىمىزدىڭ ءبىرقاتار وڭىرىندە ىستىق جانە قۇرعاق اۋا رايىنا بايلانىستى ءورت قاۋپىنىڭ جوعارى دەڭگەيى ساقتالىپ وتىرعانىن ەسكەرتتى.
قازىرگى ۋاقىتتا بىرنەشە وڭىردە داۋىلدى ەسكەرتۋلەر جاريالانىپ، الداعى كۇندەرى ءورت قاۋپىنىڭ جوعارى بولۋى مۇمكىندىگى بولجانۋدا. وسىعان بايلانىستى ت ج م تاۋلىك بويى ءورت جاعدايىن مونيتورينگىلەپ، ورمان القاپتارى بار وڭىرلەردە اۋە كەمەلەرىنىڭ كەزەكشىلىگىن ۇيىمداستىردى، ۇشقىشسىز ۇشۋ اپپاراتتارىن جۇمىلدىردى جانە ءورت كۇزەتتەرىن قويدى.
ت ج م ازاماتتاردى دالا جانە ورمان القاپتارىندا ءورت قاۋىپسىزدىگى ەرەجەلەرىن قاتاڭ ساقتاۋعا شاقىرادى: وت جاقپاۋعا، قوقىس پەن قۇرعاق ءشوپتى ورتەمەۋگە، بالالارعا وت پەن سىرىڭكەمەن ويناۋدىڭ قاۋىپتىلىگىن تۇسىندىرۋگە كەڭەس بەرەدى.
ۆەدومستۆو ءورت قاۋىپسىزدىگى تالاپتارىن بۇزعانى ءۇشىن اكىمشىلىك جاۋاپكەرشىلىك قاراستىرىلعانىن ەسكە سالادى.
- ءورتتى نەمەسە ءتۇتىندى بايقاعان جاعدايدا 101 نەمەسە 112 نومىرىنە دەرەۋ حابارلاسۋ قاجەت، - دەلىنگەن ەسكەرتۋدە.
ايتا كەتەيىك، تاۋعا باراتىن تۋريستەر ت ج م- گە ونلاين حابار بەرە الادى.