استانا. KAZINFORM – ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ باتىس قازاقستان وبلىسى اكىمىنىڭ ورىنباسارى قاليار ايتمۇحامبەتوۆپەن ب ق و جانىبەك اۋدانىندا اۋىل شارۋاشىلىعى تاۋاروندىرۋشىلەرىمەن كەزدەسۋ وتكىزدى، دەپ حابارلايدى اتالعان ۆەدومستۆونىڭ باسپا ءسوز قىزمەتى.
كەزدەسۋ بارىسىندا فەرمەرلەردى مازالاپ وتىرعان ماسەلەنىڭ ءبىرى كيىكتەردىڭ ەگىستىك جانە شابىندىق جەرلەرىنىڭ تاپتالۋى تالقىلانىپ، شارۋالاردىڭ ۇسىنىستارى قاراستىرىلدى.
ءوز كەزەگىندە مينيستر شارۋا قوجالىقتارى جەرلەرىنە كيىكتەر تاپتاۋىنان كەلتىرىلىپ وتىرعان قىسىمدى ازايتۋ جانە الدىن الۋ ماقساتىندا مينيسترلىك تاراپىنان ءبىرقاتار شارالار جوسپارلانىپ وتىرعانى تۋرالى جەتكىزدى.
Фото: Экология министрлігіسونىمەن قاتار، ەرلان نىسانبايەۆ جانىبەك اۋدانىندا رەسەي فەدەراتسياسىنىڭ تابيعي رەسۋرستار جانە ەكولوگيا مينيسترلىگىنىڭ وكىلدەرىمەن كەزدەستى. كەزدەسۋ بارىسىندا كيىكتەردىڭ ورال پوپۋلياتسياسى مەزگىلدىك ميگراتسياسىنا كەدەرگى بولىپ تۇرعان شەكارالىق قورشاۋلاردا وتكەلدەر اشۋ ماسەلەسى تالقىلاندى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.