ورالدا پوليتسيا قىزمەتكەرلەرىنە جاسالعان شابۋىل ۆيدەوعا ءتۇسىپ قالدى

استانا. KAZINFORM - ورالدا جۇرگىزۋشى پوليتسيا قىزمەتكەرلەرىنە شابۋىل جاسادى. وقيعا ۆيدەوعا ءتۇسىپ قالدى.

پوليتسيانىڭ مالىمەتىنشە، 6-قازاندا پوليتسەيلەر Toyota Crown Majesta كولىگىنىڭ جۇرگىزۋشىسىن توقتاتقان، اقپارات بويىنشا ول ءبىر كۇن بۇرىن جول اپاتىن جاساپ، وقيعا ورنىنان قاشىپ كەتكەن. قۇجاتتاردى تەكسەرۋ كەزىندە 22 جاستاعى جۇرگىزۋشى مەن 16 جاستاعى جولاۋشى ءتارتىپ ساقشىلارىنا قارسىلىق كورسەتكەن. جۇرگىزۋشى قاشىپ كەتپەك بولعان، ال ولاردى ۇستاماق بولعان كەزدە پوليتسياعا شابۋىل جاساعان.