ورالدا ەكى كولىك سوقتىعىسىپ، 5 ادام اۋرۋحاناعا ءتۇستى

ورال. KAZINFORM - ورال قالاسىندا جەڭىل كولىك پەن جەدەل جاردەم كولىگىنىڭ سوقتىعىسۋى سالدارىنان 5 ادام اۋرۋحاناعا جەتكىزىلدى.

Kazinform بۇدان بۇرىن جازعانىنداي، جەڭىل كولىك پەن جەدەل جاردەم كولىگىنىڭ قاتىسۋىمەن بولعان جول اپاتىنان ءبىر ادام كوز جۇمعان ەدى.

ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ ناقتىلاۋىنشا، بارلىعى 6 ادام زارداپ شەكسە، سونىڭ ۇشەۋى - جەدەل مەديتسينالىق جاردەم قىزمەتكەرلەرى.

«ۆاز-21099» جەڭىل كولىگىنىڭ جۇرگىزۋشىسى، 1985 -جىلعى ەر ادام العان جاراقاتتارى سالدارىنان ستاتسيونارعا بارا جاتقان جولدا قايتىس بولدى. 50 جاستاعى ەر ادام مەن 26 جاستاعى جىگىت، 40 جاستاعى ايەل مەن 27 جاستاعى قىز قالالىق كوپبەيىندى اۋرۋحاناعا جەتكىزىلدى. 40 جاستاعى ايەل جاراقات بولىمشەسىنە جاتقىزىلىپ، ەم الۋدا، جاعدايى ورتاشا اۋىر. قالعان ۇشەۋى قارالىپ، تەكسەرىلىپ، قاجەتتى مەديتسينالىق كومەك كورسەتىلدى. ولارعا امبۋلاتوريالىق ەم تاعايىندالدى. 12 جاسار قىز بالا وبلىستىق كوپبەيىندى بالالار اۋرۋحاناسىندا تەكسەرۋدەن وتكەننەن كەيىن امبۋلاتوريالىق ەم الۋعا جىبەرىلدى»، دەپ حابارلادى ۆەدومستۆودان.

اۆتور

عايساعالي سەيتاق