استانا. قازاقپارات - 10- ماۋسىمدا ورال قالاسىندا ۇلتتىق قاۋىپسىزدىك كوميتەتى كاسىپكەرلەردەن اقشا بوپسالادى دەگەن كۇدىكپەن توپتىڭ ارەكەتىنىڭ جولىن كەستى. بۇل تۋرالى ۇ ق ك باسپا ءسوز قىزمەتى حابارلادى.
- 8 قازاقستاندىق ۇستالدى، ەكەۋى سوتتىڭ سانكسياسىمەن قاماۋعا الىندى، - دەلىنگەن ۇقك حابارلاماسىندا.
بۇل تۇلعالاردىڭ ارەكەتتەرى ايماقتىڭ كوممەرتسيالىق ءىس- ارەكەتىنە قاتىسۋشىلارىنا تەرىس اسەر ەتكەن.
ءتىنتۋ بارىسىندا ءىرى كولەمدە اقشا مەن وزگە دە زاتتاي دالەلدەمەلەر تاركىلەنگەن. قىلمىستىق كودەكستىڭ 194-بابى بويىنشا سوتقا دەيىنگى تەرگەۋ جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنىڭ 1-تارماعىنا سايكەس وزگە اقپارات جاريا ەتۋگە جاتپايدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.