ورالدا شەتەل ازاماتىنان تۇراقتى تۇردە اقشا بوپسالاپ كەلگەن ادام ۇستالدى
11:05, 11 - ناۋرىز 2024
ورال. KAZINFORM - ورال قالاسىندا تەرىس ءدىن اتىن جامىلعان بوپسالاۋشى قولعا ءتۇستى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ق ر ۇ ق ك ب ق و بويىنشا دەپارتامەنتىمەن ءوزارا ءىس-قيمىل جاساي وتىرىپ، ءدىني اعىمداردىڭ ءبىرىنىڭ جاقتاۋشىسىن ۇستادى.
«كۇدىكتى ورالدا شەتەل ازاماتىنان تۇراقتى تۇردە اقشا بوپسالاپ كەلگەن. 200 مىڭ تەڭگە الۋ ۇستىندە قولعا تۇسكەن ول ۋاقىتشا ۇستاۋ يزولياتورىنا قامالدى. قازىرگى كەزدە تەرگەۋ امالدارى جۇرگىزىلىپ جاتىر»، - دەپ حابارلادى ۆەدومستۆودان.
اۆتور
عايساعالي سەيتاق