ورالدا اشىققان تۇلكى قالاعا كىرىپ كەتتى

 ورال. KAZINFORM - ورال قالاسىندا كوشەدە جۇرگەن تۇلكى ۆيدەوعا ءتۇسىپ قالدى.

Instagram الەۋمەتتىك جەلىسىندە dobroe_serdce_uralsk پاراقشاسىندا جاريالانعان بەينەجازبادا تۇلكىنىڭ سالتانات سارايىنا قاراي ءوتىپ بارا جاتقانى كورىنەدى.

بەينەجازباعا اۆتور «وعان تيمەڭدەر، اش، سوندىقتان قالاعا كىرىپ كەتكەن. قايتادان جول تابادى. ادامدارعا جولامايدى» دەگەن پىكىر قالدىرعان.

بۇدان باسقا دا ءتۇرلى پىكىرلەر جازىلىپ جاتىر.

«تۇلكى، شاماسى، اش بولعاندىقتان، قالاعا كەلگەن بولۋى كەرەك. مەنىڭشە، يتتەردىڭ كوزىن جويۋدى جالعاستىراتىن بولساق، ولاردان بوساعان جەرگە تۇلكى دە، قاسقىر دا كىرەدى. سونداي- اق «تۇلكىنى ۇستاپ الىپ، ءولتىرۋ كەرەك» دەپ جازىپ جاتقان ادامداردىڭ قاتالدىعى اشۋىمىزدى كەلتىرەدى. كەرىسىنشە ساۋ تۇلكىنىڭ قالادان شىعىپ كەتۋىنە كومەكتەسۋ كەرەك»، - دەيدى «دوبروە سەردتسە» قورىنىڭ پرەزيدەنتى ەلەنا ينوزەمتسيەۆا.