ورالدا 600 كيىك ءمۇيىزى تاركىلەندى
08:40, 29 - اقپان 2024
استانا. KAZINFORM - ورال قالاسىندا پوليتسيا قىزمەتكەرلەرى شامامەن 600 كيىك ءمۇيىزىن تاركىلەدى. بۇل تۋرالى Polisia.kz سايتى جازدى.
ءمالىم بولعانداي، پوليتسەيلەر «براكونەر» جەدەل پروفيلاكتيكالىق ءىس-شاراسى بارىسىندا اۆتوكولىكتى توقتاتقان. تەكسەرۋ بارىسىندا 593 دانا كيىك ءمۇيىزى تابىلعان.
كولىك تىزگىندەگەن ازامات اتىراۋ وبلىسىنىڭ تۇرعىنى بولىپ شىقتى. ول ۋاقىتشا ۇستاۋ يزولياتورىنا قاماۋعا الىندى. اتالعان فاكتى بويىنشا قىلمىستىق ءىس قوزعالدى. تەرگەۋ جۇمىستارى جۇرگىزىلىپ جاتىر.
اۆتور
باقىتگۇل اباي قىزى