ورالدا 5 جاسار بالا ءتورتىنشى قاباتتان قۇلاپ كەتتى
16:43, 15 - شىلدە 2024
ورال. KAZINFORM - ورال قالاسىندا 5 جاسار بالا ءتورتىنشى قاباتتان قۇلاپ كەتتى.
ب ق و دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەنىندەي، وقيعا 15-شىلدە كۇنى «استانا» شاعىن اۋدانىندا بولدى.
«ساعات 12.52 دە 20-ۇيدەن بيىكتىكتەن قۇلاۋ دەرەگى بويىنشا شاقىرتۋ تۇسكەن. وقيعا ورنىنا جەتكەن جەدەل جاردەم بريگاداسى 4-قاباتتان قۇلاعان 5 جاسار بالانى شۇعىل تۇردە جاقىن ماڭداعى قالالىق كوپبەيىندى اۋرۋحاناعا جەتكىزدى. قازىرگى كەزدە بالا جانساقتاۋ بولىمىندە، جاعدايى اۋىر. دارىگەرلەر مەديتسينالىق تەكسەرۋدەن وتكىزىپ جاتىر»، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا ءبىر كۇندە ەكى بالانىڭ كوپ قاباتتى ءۇيدىڭ تەرەزەسىنەن قۇلاپ كەتكەنىن جازعان بولاتىنبىز.
وندا ءبىر بالا كوز جۇمسا، ەكىنشىسى اۋرۋحاناعا تۇسكەن ەدى.