ورال قالاسى تۇرعىنىنىڭ قويىن يتتەر تاعى دا قىرىپ كەتتى
ورال. KAZINFORM - ورال قالاسىنىڭ تۇرعىنى ەسەنگەلدى ايتمۇحامبەتوۆتىڭ قوراسىندا تۇرعان قويلار تاعى دا شابۋىلعا ۇشىرادى.
ە. ايتمۇحامبەتوۆتىڭ سوزىنە قاراعاندا، وقيعا 5-قاراشاعا قاراعان ءتۇنى بولعان.
بۇدان بۇرىن 18-قازان كۇنى بولعان وقيعا كەزىندە ونىڭ 150 باس قويىنىڭ 86 سىن قىرىپ كەتكەن ەدى.
زاچاگان كەنتىنىڭ اكىمى اققالي اۋبەكەروۆتىڭ ايتۋىنشا، 46 قويدىڭ 10 ى ولگەن. جەتەۋى جارالى، سويىلىپ جاتىر. 29 ى عانا ساۋ.
«ۆەتستانتسيا، پوليتسيا وكىلدەرى دە وقيعا ورنىندا بولدى. قويعا شاپقان يتتەر ەكەندىگى انىقتالدى. قورانىڭ استىن قازىپ كىرگەن. تاقتايدى جۇلمالاپ الىپ تاستاعان، ەسىكتى بايلاعان تەمىر ارقاندى دا تىستەلەپ ۇزگەن. ەكى يت (بىرەۋى ۇرعاشى، بىرەۋى ەركەك) قورانىڭ ىشىنەن شىعا الماي، قالىپ قويعان. ولار ۇستالىپ، ۆەتستانتسياعا بەرىلدى. زەرتحانادا 10 كۇن باقىلانىپ، قۇتىرعان بولسا، ولەدى. سودان كەيىن ءتيىستى شەشىم قابىلدانادى. چيپپەن تەكسەرگەن كەزدە يەسى جوق، ياعني قاڭعىباس يتتەر بولىپ شىقتى»، دەدى ا. اۋبەكەروۆ.
ەسكە سالا كەتەيىك، بۇدان بۇرىن ورال قالاسى شەتىندە سەكسەننەن استام قويدى بەلگىسىز جىرتقىشتىڭ قىرىپ كەتكەنىن جازعان بولاتىنبىز.