وقۋشىلار ساباقتى جاساندى ينتەللەكتىنىڭ كومەگىمەن ورىنداپ ءجۇر مە - مينيستر جاۋابى

استانا. KAZINFORM - وقۋ-اعارتۋ ءمينيسترى عاني بەيسەمبايەۆ وقۋشىلار ساباقتى جاساندى ينتەللەكتىنىڭ كومەگىمەن ورىندايدى دەگەن پىكىرگە جاۋاپ بەردى.

- كەيبىرەۋلەر ايتىپ جاتىر، جاساندى ينتەللەكت دۇرىس ەمەس، وقۋشىلار جاساندى ينتەللەكتىنى جۇمساپ، ساباق وقۋدى قويدى دەيدى. ءبىزدىڭ وقۋشىلار جاساندى ينتەللەكتىنى پايدالانىپ، وقۋدى قويدى، جالقاۋ بولىپ كەتتى دەپ جاتقاندار دا بار. بۇل جالعان اقپارات. مەن وقۋشىلارعا سەنەمىن، ولار جاساندى ينتەللەكتىنى قولدانبايدى، ويتكەنى، ول ءبىلىمدى شىڭداپ، كۇشەيتۋگە عانا ارنالعان قوسىمشا قۇرال، - دەيدى مينيستر.

عاني بەيسەمبايەۆتىڭ مالىمدەۋىنشە، جاساندى ينتەللەكت قاۋىپ توندىرمەيدى، ونى تەك ساۋاتتى قولدانا ءبىلۋ قاجەت.

ەسكە سالايىق، 14-مامىردا ءماجىلىس جاساندى ينتەللەكت تۋرالى ءۇش زاڭ جوباسىن ماقۇلدادى.

بۇگىن وقۋ-اعارتۋ ءمينيسترى عاني بەيسەمبايەۆ ەلورداداعى 104-ورتا مەكتەپتىڭ تۇلەكتەرىنە سىنىپ ساعاتىن وتكىزدى.