وقۋشىلار كوكتەمگى كانيكۋلدا قانشا كۇن دەمالاتىنى بەلگىلى بولدى

استانا. KAZINFORM - قازاقستان مەكتەپتەرىندە ءۇشىنشى توقسان اياقتالۋعا جاقىن. ودان كەيىن وقۋشىلاردى ۇزاق كانيكۋل كۇتىپ تۇر.

2026-جىلى كوكتەمگى دەمالىس 19-ناۋرىزدان 29-ناۋرىزعا دەيىن (قوسا العاندا) جالپى 11 كۇنگە سوزىلادى.

18-ناۋرىز - سوڭعى وقۋ كۇنى. ال 30-ناۋرىزدا وقۋشىلار مەكتەپكە قايتا ورالىپ، ءتورتىنشى توقساندى باستايدى.

ايتا كەتەيىك، قازاقستاندا وقۋ باعدارلاماسى ءتورت توقسانعا بولىنەدى. بيىل ءۇشىنشى توقسان 10 اپتاعا سوزىلدى. بەكىتىلگەن كۇنتىزبەگە سايكەس ءتورتىنشى توقسان شامامەن 8 اپتا بولادى. ول 2026-جىلى 25-مامىردا اياقتالىپ، ودان كەيىن جازعى دەمالىس باستالادى.