وقۋعا تاپسىراتىن تالاپكەرلەر ماماندىق ەمەس، گرانتتى تاڭدايدى - رۋسلان ەمەلبايەۆ

استانا. قازاقپارات - تالاپكەرلەردىڭ الدىنا قويىپ وتىرعان باستى ماقساتى - ماماندىق ەمەس، گرانت. سەبەبى ول اتا-انالاردىڭ تالابى. بۇل تۋرالى ۇلتتىق تەستىلەۋ ورتالىعىنىڭ بۇرىنعى ديرەكتورى، عىلىم جانە جوعارى ءبىلىم ءمينيسترىنىڭ كەڭەسشىسى رۋسلان ەمەلبايەۆ SOLAY» YouTube» ارناسىنا بەرگەن سۇحباتىندا ايتتى، دەپ حابارلايدى El.kz اقپارات اگەنتتىگى.

ساراپشى ماماننىڭ ايتۋىنشا، ءتۇسىندىرۋ جۇمىسى بالامەن عانا ەمەس، اتا-انالارمەن دە جۇرگىزىلۋى ءتيىس.

اتا-انالاردىڭ باسىم بولىگى بالالارىنا سەن گرانتقا ءتۇسۋىڭ كەرەك دەپ تالاپ قويادى. ماماندىق ەمەس! ال گرانتقا ءتۇسۋدىڭ ەڭ وڭاي جولى - ماتەماتيكا مەن فيزيكانى تاڭداۋ. 2023 -جىلعا دەيىن جالپى ۇ ب ت تاپسىراتىن تالاپكەرلەردىڭ 30 پايىزى وسى ەكى ءپاندى تاڭداپ كەلدى. بىلتىر IT باعىتىنا باراتىندار ينفورماتيكا- ماتەماتيكا تاپسىراتىن بولىپ وزگەردى. سونىڭ وزىندە ماتەماتيكا- فيزيكا كوش باستاپ تۇر. الايدا تالاپكەرلەردىڭ بارلىعى تەحنيكالىق ماماندىققا بارامىن دەپ وتىرعان جوق. ولاردىڭ ماقساتى - گرانت. تومەن بالمەن گرانتقا ءتۇسىپ كەتەتىندەر بار. ءبىز كوبىنە جۇمىستى بالامەن جۇرگىزەمىز. نەگىزىندە اتا-انالارمەن جۇرگىزىلۋى ءتيىس. زەرتتەۋ ناتيجەلەرىن قاراساق، 80 پايىز ماماندىق اتا-انانىڭ ىقپالىمەن تاڭدالادى ەكەن. سوندىقتان كاسىبي باعدارلاۋ جۇمىستارىن كەشەندى تۇردە جۇرگىزۋدى قولعا الدىق، - دەيدى رۋسلان ەمەلبايەۆ.

سۇحبات بارىسىندا رۋسلان ەمەلبايەۆ ۇلتتىق ءبىرىڭعاي تەستىلەۋ جۇيەسىندەگى سوڭعى وزگەرىستەر، سالاداعى جەمقورلىقپەن كۇرەس جۇمىستارى جانە بولاشاق جوسپارلار تۋرالى ايتتى. سۇحباتتىڭ تولىق نۇسقاسىن SOLAY» YouTube» ارناسىنان كورە الاسىزدار.