وقۋ-اعارتۋ مينيسترلىگىنىڭ وكىلەتتىگى كەڭەيتىلەدى

- مينيسترلىككە قازاقستان رەسپۋبليكاسى وقۋ-اعارتۋ مينيسترلىگىنىڭ وكىلەتتىكتەرى بولىپ تابىلاتىن مىندەتتەردى ورىنداۋ تۇرعىسىنان كاسىپكەرلىك سۋبەكتىلەرىمەن شارتتىق قاتىناستارعا تۇسۋگە تىيىم سالىنادى. ەگەر مينيسترلىككە زاڭدارمەن كىرىس اكەلەتىن قىزمەتتى جۇزەگە اسىرۋ قۇقىعى بەرىلسە، وندا الىنعان كىرىس، ەگەر قازاقستان رەسپۋبليكاسىنىڭ زاڭناماسىندا وزگەشە بەلگىلەنبەسە، مەملەكەتتىك بيۋدجەتكە جىبەرىلەدى، - دەلىنگەن قۇجاتتا.

سونىمەن قۇجاتقا سايكەس، وقۋ-اعارتۋ مينيسترلىگى تۋرالى ەرەجەگە مىناداي وزگەرتۋلەر ەنگىزىلەدى:

- قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن، سونداي-اق مەملەكەتتىك ورگاندارمەن كەلىسۋ بويىنشا ولارمەن بىرلەسكەن اكتىلەر نەگىزىندە باسقا مەملەكەتتىك ورگاندارمەن، حالىقارالىق ۇيىمدارمەن، سىرتقى ەكونوميكالىق جانە وزگە دە قىزمەتكە قاتىسۋشىلارمەن ءوزارا ءىس- قيمىل جاساۋ؛

- قازاقستان رەسپۋبليكاسىنىڭ زاڭناماسىنا سايكەس بالالاردىڭ قۇقىقتارىن قورعاۋ سالاسىنداعى مەملەكەتتىك ساياساتتى قالىپتاستىرۋ؛

- ليتسەنزيارلاردى، ليتسەنزيا بەرۋدى كەلىسۋدى جۇزەگە اسىراتىن مەملەكەتتىك ورگانداردى ايقىنداۋ تۋرالى نورماتيۆتىك قۇقىقتىق اكتىلەر جوبالارىن ازىرلەۋ جانە ولاردى رۇقساتتار جانە حابارلامالار سالاسىنداعى ۋاكىلەتتى ورگانمەن جانە تسيفرلاندىرۋ سالاسىنداعى ۋاكىلەتتى ورگانمەن كەلىسۋ؛

- مەملەكەتتىك ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنا بەكىتىپ بەرىلگەن دەنە شىنىقتىرۋ-ساۋىقتىرۋ جانە سپورت قۇرىلىسجايلارىن مۇلىكتىك جالداۋعا (جالعا الۋعا) بەرۋ قاعيدالارىن ازىرلەۋ جانە بەكىتۋ؛

- استانانىڭ، وبلىستاردىڭ، رەسپۋبليكالىق ماڭىزى بار قالالاردىڭ ءبىلىم بەرۋدى باسقارۋ ورگاندارى ءبىرىنشى باسشىلارىنىڭ مەملەكەتتىك اكىمشىلىك لاۋازىمدارىنا قويىلاتىن بىلىكتىلىك تالاپتارىن كەلىسۋ؛

- اكىمشىلىك- اۋماقتىق بىرلىكتى باسقارۋ سحەمالارىن قالىپتاستىرۋ كەزىندە قولدانىلاتىن ءبىلىم بەرۋدى باسقارۋ ورگاندارى (استانانىڭ، وبلىستاردىڭ، رەسپۋبليكالىق ماڭىزى بار قالالاردىڭ ءبىلىم باسقارمالارى، سونداي-اق ولارعا ەسەپ بەرەتىن جانە ولاردىڭ باقىلاۋىنداعى اۋدانداردا، قالالاردا ورنالاساتىن ءبىلىم بولىمدەرى) اراسىندا فۋنكتسيالاردى ءبولۋدى ازىرلەۋ جانە بەكىتۋ؛

- مەكتەپكە دەيىنگى تاربيە مەن وقىتۋ؛

- باستاۋىش ءبىلىم بەرۋ؛

- نەگىزگى ورتا ءبىلىم بەرۋ؛

- جالپى ورتا ءبىلىم بەرۋ؛

- ءبىلىم بەرۋ باعدارلامالارىنىڭ تىزىلىمىنە ەنگىزىلگەن ماماندىقتار بويىنشا اسكەريلەر، ارناۋلى وقۋ ورىندارى ءۇشىن ماماندىقتار توپتارى بويىنشا تەحنيكالىق جانە كاسىپتىك ءبىلىم بەرۋ؛

- ءبىلىم بەرۋ باعدارلامالارىنىڭ تىزىلىمىنە ەنگىزىلگەن ماماندىقتار بويىنشا اسكەريلەر، ارناۋلى وقۋ ورىندارى ءۇشىن ماماندىقتار توپتارى بويىنشا ورتا بىلىمنەن كەيىنگى ءبىلىم بەرۋ؛

- رۋحاني ءبىلىم بەرۋ؛

- كامەلەتكە تولماعاندارعا ءبىلىم بەرۋ- ساۋىقتىرۋ؛

- مۇمكىندىگى شەكتەۋلى بالالاردى ارناۋلى پسيحولوگيالىق-پەداگوگيكالىق قولداۋ ءۇشىن ءبىلىم بەرۋ قىزمەتىمەن اينالىسۋعا ليتسەنزيا جانە (نەمەسە) ليتسەنزياعا قوسىمشا بەرۋ؛

- مەنشىك تۇرىنە، نىسانىنا جانە ۆەدومستۆولىق باعىنىستىلىعىنا قاراماستان، استانانىڭ، وبلىستاردىڭ، رەسپۋبليكالىق ماڭىزى بار قالالاردىڭ، اۋدانداردىڭ (وبلىستىق ماڭىزى بار قالالاردىڭ) ءبىلىم بەرۋدى باسقارۋ ورگاندارىنىڭ، ءبىلىم بەرۋ ۇيىمدارىنىڭ جانە بالا قۇقىقتارىن قورعاۋ جونىندەگى فۋنكتسيالاردى جۇزەگە اسىراتىن ۇيىمدار قىزمەتىنىڭ قازاقستان رەسپۋبليكاسىنىڭ بالا قۇقىقتارىن قورعاۋ سالاسىنداعى زاڭناماسىنىڭ تالاپتارىنا سايكەستىگىن قامتاماسىز ەتۋدى مەملەكەتتىك باقىلاۋدى جۇزەگە اسىرۋ؛

- شەتەل ازاماتتارىنا اسىراپ الۋعا بەرىلگەن بالالاردى باقىلاۋدى جۇزەگە اسىرۋ.

ەرەجە جەكەلەگەن ابزاتستاردى قوسپاعاندا وسى جىلدىڭ 25-قىركۇيەگىنەن، ياعني قول قويىلعان كۇنىنەن باستاپ قولدانىسقا ەنگىزىلدى.

بۇعان دەيىن ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارى ءۇشىن ءبىلىم الۋشىلاردىڭ ۇلگەرىمىنە اعىمداعى باقىلاۋدى، ولاردى ارالىق جانە قورىتىندى اتتەستاتتاۋدى وتكىزۋدىڭ ۇلگىلىك قاعيدالارى وزگەرگەن ەدى.