ونەركاسىپ ءمينيسترى قۇرىلىس كودەكسىنىڭ جوباسىنا قاتىستى ايتىلعان سىنعا جاۋاپ بەردى
استانا. KAZINFORM - ونەركاسىپ جانە قۇرىلىس ءمينيسترى قانات شارلاپايەۆ جاڭا قۇرىلىس كودەكسىنىڭ جوباسىنا قاتىستى دەپۋتاتتاردىڭ ايتقان سىنىنا جاۋاپ بەردى.
«كودەكس ءبىرىنشى كەزەكتە قازاقستان ازاماتتارىنىڭ قۇقىقتارىن قورعاۋعا باعىتتالعان دەپ ەسەپتەيمىن. ساپاسىز قۇرىلىس جانە وسى سالاداعى باسقا دا كەمشىلىكتەردى جاقسى بىلەسىزدەر. سوندىقتان قۇرىلىسقا مەملەكەتتىك باقىلاۋدى كۇشەيتەتىن قۇجات جوباسىن ازىرلەدىك»، - دەدى ق. شارلاپايەۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، كودەكس جوباسى ساپاسىز قۇرىلىسقا كوڭىلى تولمايتىن قازاقستاندىقتاردىڭ قۇقىعىن قورعاپ، قۇرىلىس كومپانيالارىنىڭ جۇمىس ىستەۋ جاعدايىنا ءبىرشاما باقىلاۋدى كۇشەيتەتىندەي ەتىپ جازىلعانىن اتاپ ءوتتى.
ايتا كەتەيىك، بيىل اقپان ايىندا ماجىلىستە جاڭا قۇرىلىس كودەكسىنىڭ جوباسىن تانىستىرۋعا ارنالعان جيىندا دەپۋتات باقىتجان بازاربەك اتالعان قۇجاتتاعى نورمالاردى سىنعا الدى.
اۆتور
رۋسلان عابباسوۆ