ونلاين قۇربان شالۋعا ارنالعان سايت ىسكە قوسىلدى

استانا. KAZINFORM - قازاقستان مۇسىلماندارى ءدىني باسقارماسى ونلاين قۇربان شالۋعا مۇمكىندىك بەرەتىن پلاتفورمانىڭ ىسكە قوسىلعانىن حابارلادى.

سايتتا بەلگىلەنگەن باعا بويىنشا:

قويدىڭ قۇنى - 75 مىڭ تەڭگە؛

ءىرى قارانىڭ قۇنى - 490 مىڭ تەڭگە

سايت ارقىلى قۇربان ەتىن الۋعا دا ءوتىنىش قالدىرۋعا بولادى.

«ونلاين تۇردە قۇربان شالامىن دەۋشىلەر قۇرباندىق مالىن تاڭداپ، اقشانى Kaspi QR ارقىلى اۋدارا الادى. قوي مەن ەشكىنى جەكە ادام، ال ءىرى قارا مەن تۇيەنى ءبىر نەمەسە جەتى ادام بىرىگىپ شالسا بولادى. تاپسىرىسىڭىز ءساتتى وتسە ۇيالى تەلەفونىڭىزعا SMS حابارلاما كەلەدى»، - دەپ جازىلعان ءدىني باسقارمانىڭ حابارلاماسىندا.

قۇرباندىق شالىنعاننان كەيىن ونىڭ فوتو جانە بەينە ەسەبى تاپسىرىس بەرۋشى كورسەتكەن نومىرگە جىبەرىلەدى.