ونلاين پلاتفورمالاردان تۇسەتىن سالىق كوبەيىپ كەلەدى

استانا. KAZINFORM – ەلىمىزدە 120 -عا جۋىق ونلاين پلاتفورما رەسمي تىركەلگەن. سونىڭ ىشىندە بيىل سالىق تولەۋدەن كوش باستاعان iHerb ماركەتپلەيسى قازىناعا 11,8 ميلليارد تەڭگە اۋدارىپتى.

بۇل تۋرالى Jibek Joly تەلەارناسىنىڭ جاڭالىقتارىندا ايتىلدى.

ارنا ءتىلشىسىنىڭ دەرەگىنشە، ماركەتپلەيستەرگە سالىق سالۋ باستالعان 2022 -جىلى Google قازاقستاندا ەڭ كوپ سالىق تولەۋشى بولعان ەدى. كومپانيا كەيىنگى ءۇش جىلدا قازاقستانعا 58 ميلليارد تەڭگە سالىق تولەگەن. بيىل كوش باسىنا مەديتسينالىق پرەپاراتتار مەن ءتۇرلى دارۋمەن ساتاتىن ونلاين دۇكەن IHERB كومپانياسى شىعىپ وتىر. ودان كەيىنگى ورىندا 9,4 ميلليارد تەڭگەمەن Apple كومپانياسى تۇر. Google بيىل ءۇشىنشى ورىندا - 9,3 ميلليارد تەڭگە. ال، Valve Corporation سالىققا 8,8 ميلليارد تۇسىرسە، Meta پلاتفورماسى 6,6 ميلليارد تەڭگە سالىق تولەگەن.

- ءبىز سايتتار مەن قوسىمشالارداعى قازاقستاندىقتاردىڭ تولەمدەرىن قاداعالاپ وتىرامىز. سوسىن، كومپانيالاردىڭ ەسەبىمەن سايكەستىگى انىقتالادى، - دەيدى ق م م ك ك سيفرلىق اكتيۆتەردى اكىمشىلەندىرۋ باسقارماسىنىڭ باس ساراپشىسى ءىلياس قاپتاعايەۆ.

كىرىستەر كوميتەتى رەسمي سالىق تولەۋشى رەتىندە تىركەگەن 88 حالىقارالىق ۇيىم بار. بيىل تاعى 26 ونلاين پلاتفورما قوسىلعان. جاڭا تىزىمگە تانىمال Amazon ،Sony ي ۆ ي سەكىلدى ءىرى كومپانيالار ەنگەن. ولار تابىسىنىڭ 12 پايىزىن قازاقستان بيۋدجەتىنە بەرەدى. جەرلەستەرىمىز ءجيى جۇگىنەتىن قىتايدىڭ ونلاين دۇكەندەرى دا سالىق تولەۋگە مىندەتتەلگەن. ماسەلەن، بيىل Temu پلاتفورماسى قازىناعا 764 ميلليون تەڭگە اۋدارعان.

- ەۋرو وداققا مۇشە ەلدەردىڭ پلاتفورمالارى ءۇشىن سالىق مىندەتتەلمەيدى. ماسەلەن رەسەيلىك mail.ru تولەم جاساۋشىلار تىزىمىندە جوق. ال، وتاندىق ماركەتپلەيستەر ءۇشىن ەرەجە باسقا. قازىر قازاقستاندا تابىس تاۋىپ جۇرگەن وزگە دە سايتتار مەن قوسىمشالاردى انىقتاپ جاتىرمىز، - دەدى ق م م ك ك سيفرلىق اكتيۆتەردى اكىمشىلەندىرۋ باسقارماسىنىڭ باسشىسى تالعات ءادىلوۆ.

ءبىر ايتا كەتەرى سالىقتان جالتارىپ جۇرگەندەر ونلاين پلاتفورمالار جوق ەكەن. ءبىراق، ولاي بولعان كۇننىڭ وزىندە مەملەكەتتىڭ قاداعالاۋ قۇزىرەتى ءالسىز. ويتكەنى زاڭ سولقىلداق. جاڭا سالىق كودەكسىندە بۇل ماسەلە قارالعان-تىن. سالىق تولەمەگەن سايتتاردىڭ جۇمىسىنا شەكتەۋ قويۋ كوزدەلگەن. ءبىراق، جاڭا سالىق كودەكسىن قابىلداۋ كەلەسى جىلعا قالدى.

كىرىستەر كوميتەتى كەلەسى جىلى ەل اۋماعىندا ونلاين قىزمەت كورسەتەتىن بىرنەشە ءىرى پلاتفورمالاردى دا سالىق تولەۋگە مىندەتتەمەك. اراسىندا ايگىلى Telegram جەلىسى دە بار. ەسكە سالا كەتەيىك، قازاقستان ونلاين پلاتفورمالارعا سالىق سالۋدى ورتا ازيادا العاش ەنگىزدى.