گونكونگ: سۇلۋلىق بايقاۋى جەڭىمپازى الاياقتىق ءۇشىن سوتتالدى

استانا. KAZINFORM - سۇلۋلىق بايقاۋىنىڭ جەڭىمپازى، Woman of the Universe كونكۋرسىنىڭ يەگەرى لي سى سيۋان جەڭىستەن كەيىن ەكى اپتا وتكەن سوڭ جالعان ديپلوم جاساعانى ءۇشىن 9 ايعا تۇرمەگە قامالدى.

بۇل تۋرالى Need To Know (NTK) باسىلىمى حابارلادى، دەپ جازادى Report.

سى سيۋان بايقاۋعا قىتايدىڭ شەنجىن قالاسى اتىنان قاتىسقانىمەن، گونكونگ ۋنيۆەرسيتەتىندە لينگۆيستيكا فاكۋلتەتىندە وقىعان. الايدا، Woman of the Universe تيتۋلىن يەلەنگەننەن كەيىن ەكى اپتادان سوڭ ول تۇتقىندالدى.

تەرگەۋ بارىسىندا بەلگىلى بولعانداي، سى سيۋان ۋنيۆەرسيتەت اكىمشىلىگىن جانە گونكونگتىڭ كوشى- قون باسقارماسىن الداپ، ءوز قۇجاتتارىندا نيۋ- يوركتەگى كولۋمبيا ۋنيۆەرسيتەتىندە ۇزدىك وقىعانىن كورسەتكەن.

بۇعان قوسا، ول ۋنيۆەرسيتەتكە ءتۇسۋ ءۇشىن دەلدال ارقىلى 370 مىڭ يۋان كولەمىندە اقشا تولەگەنى ءۇشىن دە ايىپتالىپ جاتىر.

ايتا كەتەيىك، بۇعان دەيىن گونكونگ ا ق ش- قا تاۋار جونەلتۋىن توقتاتقانىن جازدىق.