ون جىلدا ۇلتتىق بانك 550 توننا التىن ساتىپ العان

سوڭعى 10 جىلدىڭ ىشىندە ۇلتتىق بانك قورىنا 550 توننا تازارتىلعان التىن ساتىپ الىندى. بۇل تۋرالى ونەركاسىپ جانە قۇرىلىس مينيسترلىگىنەن ءمالىم ەتتى، دەپ حابارلايدى Kazinform.

«2011 -جىلعا دەيىنگى ەلدە وڭدەلگەن بارلىق التىن سىرتقا شىعارىلعان. 2011 -جىلدان باستاپ 2015 -جىلعا دەيىن التىندى ەكسپورتتاۋعا ۋاقىتشا شەكتەۋ قويىلدى. 2011-2015 -جىلدارى 229,62 توننا كولەمدە وڭدەلمەگەن التىن الىندى. ونىڭ ىشىندە 64,24 تونناسى ەكسپورتقا شىعارىلدى. ال شامامەن 110 توننا تازارتىلعان التىن ۇلتتىق بانككە وتكىزىلدى»، - دەپ جاۋاپ بەردى مينيسترلىك اگەنتتىكتىڭ ساۋالىنا.

ۆەدومستۆو مالىمەتىنشە، «باعالى مەتالدار مەن اسىل تاستار تۋرالى» زاڭعا سايكەس، 2016 -جىلدان باستاپ ۇلتتىق بانك اففينيرلەنگەن التىندى ساتىپ الۋدا باسىم قۇقىققا يە بولعان.

«2011-2022 -جىلدار ارالىعىندا ۇلتتىق بانكتىڭ قورىنا شامامەن 550 توننا تازارتىلعان التىن ساتىپ الىندى. ەلىمىزدە جىل سايىن شامامەن 1 مىڭ توننادان استام كۇمىس وڭدەلەدى. ونىڭ 990 تونناعا جۋىعى ەكسپورتتالادى»، - دەپ اتاپ وتەدى مينيسترلىكتەن.

اۆتور

مارلان جيەمباي